دەپۋتات امانجول ءالتاي Akon-عا دومبىرا سىيلاعانداردى سىنعا الدى. ءماجىلىس دەپۋتاتى قازاقستانعا كەلەتىن شەتەلدىك انشىلەرگە تالاپ قويۋ كەرەكتىگىن ايتىپ, ۇكىمەتكە ساۋال جولدادى, دەپ حابارلايدى Egemen.kz.
دەپۋتاتتىڭ ايتۋىنشا, جاستارىمىز TikTok پەن Instagram-نىڭ تۇتقىنىنا اينالىپ, ۇلتتىق تاربيە ونەگەسىنەن اجىراپ بارادى.
«كۇنى كەشە عانا استانادا وتكەن Akon-نىڭ كونتسەرتىندە جانكۇيەر جاستار تومەن مورالدىق مىنەز-ق ۇلىق كورسەتتى, ەلىمىزدىڭ بەدەلىنە نۇقسان كەلتىردى. ال ۇيىمداستىرۋشىلاردىڭ ءانشىنى ۇلتتىق كيىممەن قارسى الىپ, دومبىرا سىيلاعاندارى تىپتەن ورىنسىز دەپ سانايمىن. ۇلتتىق مۋزىكالىق مۇرامىزدىڭ سيمۆولى - قاسيەتتى دومبىرانى ايەلدەردى قورلاۋدى ناسيحاتتاۋدىڭ ايقىن سيپاتىنا يە «Smack that», «hypnotiser» سياقتى اندەردى ورىندايتىن انشىگە بەرۋ – پارىقسىزدىق, ۇلتتىق قۇندىلىقتاردى تابانعا تاپتاۋ دەپ قابىلدايمىن», دەدى دەپۋتات.