وتانداسىمىز ارالاس جەكپە-جەك شەبەرى شاۆكات راحمونوۆ UFC 296 ءتۋرنيرى الدىنداعى رەسمي ءباسپاسوز كونفەرەنتسياسىنا قاتىستى. التى بۇرىشتا جەڭىلىپ كورمەگەن جەرلەسىمىز تۋرنيرگە دايىندىعى تۋرالى ايتتى, دەپ جازادى Egemen.kz.
17 جەلتوقسان كۇنى شاۆكات راحمونوۆ (17-0) امەريكالىق ستيۆەن تومپسونعا (17-6-1) قارسى جەكپە-جەككە شىعادى. جەكپە-جەك قازاقستان ۋاقىتىمەن 16 جەلتوقسان تاۋەلسىزدىك كۇنىمەن تۇس كەلىپ تۇر.
وسىعان بايلانىستى اقش-قا ارنايى ات تەرلەتىپ بارعان ەل جۋرناليستەرى ءباسپاسوز قىزمەتىندە شاۆكات راحمونوۆقا قازاق تىلىندە سۇراق جولدادى.
«شاۆكات, اسسالاۋماعاالەيكۋم! بۇكىل قازاقستان سەنىڭ وسى جەكپە-جەگىڭدى تاعاتسىزدانا كۇتىپ وتىر. تاۋەلسىزدىك كۇنى سەنەن تەك جەڭىس كۇتەمىز! سول ءۇشىن جۋرناليستەر ارنايى كەلدىك. سەن ءۇشىن قازاق حالقىنىڭ قولداۋى قانشالىقتى ماڭىزدى, نە سەزىنەسىڭ؟», دەپ سۇرادى جۋرناليست.
شاۆكات تا ءوز كەزەگىندە قازاق تىلىندە جاۋاپ بەردى.
ء«بىرىنشى كەزەكتە قازاق حالقىن تاۋەلسىزدىك مەرەكەسىمەن قۇتتىقتايمىن. بۇل ءبىز ءۇشىن ماڭىزدى كۇن. جەڭىسكە جەتۋ ءۇشىن بار كۇش-جىگەرىمدى سالامىن», دەدى شاۆكات.