ەڭبەك جانە حالىقتى الەۋمەتتىك قورعاۋ مينيسترلىگى بيىلعى 11 ايدا 961 كاسىپورىن 25 مىڭ جۇمىسكەرگە 6,4 ملرد تەڭگەدەن استام سوماعا جالاقى بويىنشا بەرەشەگى بار ەكەنىن انىقتادى, دەپ جازادى Egemen.kz.
مەملەكەتتىك ەڭبەك ينسپەكتورلارى كاسىپورىنداردىڭ باسشىلارىنا ورىندالۋى مىندەتتى 1 261 نۇسقاما بەرىپ, 174,5 ملن تەڭگەدەن استام سوماعا ايىپپۇل سالدى.
سونىڭ ىشىندە جالاقى بويىنشا بەرەشەكتى وتەۋدىڭ قاتاڭ كەستەلەرى مەن مەرزىمدەرىن بەلگىلەۋ ناتيجەسىندە 23,2 مىڭنان استام جۇمىسشىنىڭ قۇقىعى قورعالدى. ولارعا جۇمىس بەرۋشىدەن ۇزاق ۋاقىت الا الماي جۇرگەن 5,6 ملرد تەڭگە جالاقىسىن ءوندىرىپ الدى.
كاسىپورىن نە جۇمىس بەرۋشى جۇمىس ىستەگەن ۋاقىتىڭىز ءۇشىن جالاقى تولەۋدەن باس تارتسا, ۋاقتىلى تولەم جاسالماسا ەڭبەك جانە حالىقتى الەۋمەتتىك قورعاۋ مينيسترلىگىنىڭ ەسەپ كوميتەتىنە شاعىم تۇسىرۋگە بولادى.