كۋرەرلەر IT ماماندىققا ماشىقتانادى

Glovo-نىڭ كۋرەرلەرىن قالا كوشە­لەرىنەن كورگەن بو­لار­سىز­دار. ولار تاپسىرىس بەر­گەن ادامنىڭ كەز كەلگەن تاۋا­رىن دىتتەگەن جەرىنە ۋاق­تى­لى جەتكىزىپ بەرە الادى. ونلاين بيزنەس دەگەن – وسى. تاۋار­لار ءمو­بيلدى قوسىمشا ارقى­لى سا­تى­لىپ, جەتكىزىلەدى. Glovo العا­شىن­دا مەيرامحانا تاعام­دا­رىن جەتكىزۋمەن تانىلسا, بۇ­گىن­دە الەمنىڭ 25 ەلىندە جۇ­مىس ىس­تەيدى. قوسىمشانىڭ 10 ميل­ليون­­نان اسا قولدانۋشىسى, 61 مىڭ كۋرەرى بار.

وسكار پەردىڭ ءوزى اقش-تاعى دجوردجيا مەملەكەتتىك تەح­نو­لوگيالار ينستيتۋتىندا وقى­عان. تەحنيكاعا اۋەستىگى بار ول ستۋدەنت كەزىندە ەكى ون­لاين كومپانيا قۇرىپتى. ءبىرىن­شى­سى – Zikkomo.com دەپ اتالاتىن مالاۆيدەگى 30 بالاعا ارنالعان قايىرىمدىلىق پلاتفورماسى. ەكىنشىسى – جەرگىلىكتى قول­ونەر بيزنەسىن دامىتۋعا ار­نالعان LoveItLocal.es ۆەب-سايتى. پەر 2012 جىلى وقۋدى بىتىر­گەن سوڭ تۋلۋزادا اەرو­دي­نامي­كا ينجەنەرى بولىپ جۇ­مىس ىس­تەيدى. دەمالىس كۇندەرى سان-فرانتسيسكوعا بارعاندا «Postmates» دەپ اتالاتىن تا­ۋار جەتكىزۋشى كۋرەرلەر جەلىسىن باس­قاراتىن امەريكالىق لوگيس­تي­كالىق كومپانيانىڭ كونتسەپ­تسيا­سىن كورگەن. سودان ساشا ميشو ەسىمدى يسپاندىق تەحنو­لوگيالىق كاسىپكەرمەن بىرگە Glovo-نى اشقىسى كەلەدى. اري­نە, ولار ماقساتىنا كوپ ۇزاماي-اق جەتەدى. بىراق كومپانيانى اشقاننان كەيىنگى قيىندىقتار شارۋانى ءبىراز تۇيىققا تىرەيدى.

– ءبىز Glovo كومپانياسىن 8 جىل بۇرىن قۇردىق. ول كەزدە بار­سەلونادا بىردە-ءبىر ستارتاپ جوق ەدى. قالاي ۇمىتايىن, ول كەز­دە كومپانيادا نەبارى ەكى-اق كۋرەر جۇمىس ىستەگەن ەدى. ال قازىر بىزدە جۇمىس ىستەيتىن جاس­ وتە كوپ. سەبەبى يكەمدى جۇ­مىس كەستەسى بويىنشا كۋرەر بولۋ جاستارعا ءتيىمدى, – دەدى و.پەر.

تاعى ءبىر جاعىمدى جاڭا­لىق, Glovo جەتكىزۋ قىزمە­تىنىڭ تمد ەلدەرىندەگى كۋرەر­لەرى Astana Hub-تىڭ ءبىلىم بەرۋ باع­دارلامالارى بويىن­شا IT-ماماندىقتاردا وقىپ جاتىر. كومپانيا كۋرەر­لەر­گە ارنالعان Freelance School, Startup Academy جانە No Code School كۋرستارىن قارجىلاندىرعان. وسىلايشا, باسشىلىق جۇمىسشىلارىن يننو­ۆاتسيالىق بىلىممەن ىنتالاندىرۋدى كوزدەپ وتىر. ولار­دىڭ Glovo-نىڭ Astana Hub Education ءبىلىم بەرۋ باعدار­لا­ما­لارىن تاڭداۋى دا تەگىننەن-تەگىن ەمەس دەپ تۇيدىك.

قىرعىزستانداعى Glovo كۋر­ەرى ازيزبەك مالاتيپوۆ – ءبىر كۋرس­تان كەيىن ەكىنشىسىن وقىپ, ءبىلى­مىن شىڭداپ جۇرگەن جاستىڭ ءبىرى.

– ءوزىم وسىعان دەيىن No Code School كۋرسىن وقىپ ءبىتىردىم. قازىر Freelance School-دا وقىپ ءجۇرمىن. سايت پەن ءموبيلدى قو­سىمشا جاساۋعا بۇرىننان قىزى­عا­تىنمىن. بىراق مۇمكىندىك بول­مادى. كەلەشەكتە IT سالانى مەڭگەرىپ, وسى باعىتتا جاڭا دۇنيەلەر جاساسام دەپ ىشتەي ارماندادىم. قازىر ساۋلەتشى-ديزاينەر ماماندىعى بويىنشا وقىپ ءجۇرمىن, سىزۋمەن اينالىسامىن. كۋرس كەزىندە قاشىقتان جۇمىس ىستەۋ مۇمكىندىگى بار ەكەنىن ءبىلدىم, – دەدى ازيزبەك.

Astana Hub ءبىلىم بەرۋ باع­دار­لامالارى كەڭسەسىنىڭ دي­رەكتورى داۋلەت بەيمۋر­زي­نوۆ­تىڭ ايتۋىنشا, Astana Hub پەن Glovo-نىڭ كۋرەرلەردى وقىتۋ جونىندەگى بىرلەسكەن جوباسى 2 جىلدان بەرى ىسكە اسىپ كەلەدى. ناقتىراق ايتار بول­ساق, Astana Hub پەن Glovo ارا­سىنداعى ىنتىماقتاستىق بىل­تىر ورتالىق ازياداعى ەڭ ءىرى Digital Bridge-2022 ءىت فورۋمىندا بەكىگەن. سول كەزدە قوس تاراپ ءىت-ستارتاپتاردى دامىتۋ جانە قولداۋ سالاسىنداعى ىنتى­ماق­تاس­تىق تۋرالى مەموران­دۋمعا قول قويعان. جىل سوڭىنا دەيىن Glovo-نىڭ 450 قىزمەتكەرى IT-ماماندىقتاردا ءبىلىمىن شىڭداپ, سەرتيفيكات الادى. بۇگىنگى كۋرەرلەر ءبىلىم بەرۋ كۋرستارىنان كەيىن IT سالاداعى تابىس­تى مامانداردىڭ قاتارىنا قوسى­لىپ جاتسا, مۇنىڭ ءوزى جاستارعا ۇلكەن ولجا بولارى انىق.