قىس مەزگىلى باستالىپ, قار مول تۇسۋىنە بايلانىستى كوممۋنالدىق قىزمەتتەر تاۋلىك بويى كۇشەيتىلگەن رەجيمدە جۇمىس ىستەيتىنىن ەلوردا اكىمدىگى رەسمي سايتىندا حابارلادى, دەپ جازادى Egemen.kz.
6 جەلتوقساندا تاڭەرتەڭگىلىك ۋاقىتتا قالا كوشەلەرى قارىن كۇرەۋگە 2000-نان استام جول جۇمىسشىسى جانە 1000-عا جۋىق ارنايى تەحنيكا جۇمىلدىرىلدى.
اۋەلى, ورتالىق كوشەلەر, جولاۋشىلار كولىگى ءجيى قاتىنايتىن ورىندار, ايالدامالار, تروتۋارلار تازالانادى.
ەستەرىڭىزگە سالايىق, سينوپتيكتەر بولجامىنشا, استانادا 6 جەلتوقساندا قارلى بوران, كوكتايعاق بولادى, سولتۇستىك-باتىستان ەكپىنى 15-20 م/س كەيدە 23 م/س جەل سوعادى.
قالادا جابدىقتالعان بىرنەشە قار پوليگونى بار. ولار ساموسۆال تەحنيكاسىنىڭ نومىرلىك بەلگىلەرىن ساناۋ جۇيەسىمەن جابدىقتالعان, مۇندا بەينەباقىلاۋ كامەرالارى ورناتىلىپ, جارىقتاندىرۋ قوسىلعان.