باس پروكۋراتۋرا قازاقستاننان سىرتتاپ شەكارا اسىپ كەتكەن زاڭ بۇزۋشىلاردى ەكستراديتسيالاۋ بويىنشا جۇمىستاردى جالعاستىرىپ, سەربيا مەملەكەتىنەن ۇيىمداسقان قىلمىستىق توپتىڭ ءبىر مۇشەسىن ەلگە جەتكىزدى, دەپ حابارلايدى Egemen.kz ۆەدومستۆونىڭ ءباسپاسوز قىزمەتىنە سىلتەمە جاساپ.
«قاراشا ايىندا «OLIMP KZ» بۋكمەكەرلىك كەڭسەcىنىڭ قىزمەتىمەن بايلانىستى قىلمىستىق توپتىڭ قۇرامىندا بولعان كۇدىكتى گەرمانيادان قازاقستانعا ەكستراديتسيالانعان بولاتىن. بۇگىن باس پروكۋراتۋرا, قارجىلىق مونيتورينگ اگەنتتىگى جانە ءىىم-ءنىڭ ينتەرپول قىزمەتكەرلەرى سىرتقى ىستەر مينيسترلىگىنىڭ كومەگىمەن ونىڭ سىبايلاسىن سەربيا رەسپۋبليكاسىنان ەكستراديتسيالادى. ولار 2014-2019 جىلدارى قىلمىستىق توپتىڭ قۇرامىندا زاڭسىز قۇمار ويىندارىن وتكىزۋگە, سالىقتى جانە بيۋدجەتكە تولەنەتىن باسقا دا مىندەتتى تولەمدەردى تولەۋدەن جالتارعانى, سونداي-اق قىلمىستىق جولمەن الىنعان اقشا مەن م ۇلىكتى زاڭداستىرۋعا قاتىسى بار دەگەن كۇدىككە ىلىنگەن. اتالعان زاڭسىز ارەكەتتەردىڭ سالدارىنان مەملەكەتكە 86 ميلليارد تەڭگەدەن استام شىعىن كەلتىرىلگەن. وسىعان بايلانىستى كۇدىكتىلەرگە قاتىستى سوتقا دەيىنگى تەرگەپ-تەكسەرۋ باستالىپ, كەيىن ولار حالىقارالىق ىزدەۋگە جاريالانعان. قىلمىستاردى جاساعانى ءۇشىن مۇلكىن تاركىلەۋمەن 3 جىلدان 10 جىلعا دەيىنگى مەرزىمگە باس بوستاندىعىنان ايىرۋ جازاسى كوزدەلگەنى» جازىلعان اقپاراتتا.
استانا قالاسىنىڭ تەرگەۋ يزولياتورىنا قامالعان كۇدىكتىنى ەكستراديتسيالاۋ شاراسى قازاقستان مەن سەربيا اراسىنداعى «ۇستاپ بەرۋ تۋرالى» جاساسقان شارت نەگىزىندە جۇزەگە اسىرىلدى.