تاياۋدا «الماتى ەلەكتر ستانتسيالارى» اق (الەس) مەن ەۋرازيا دامۋ بانكى (ەادب) اراسىندا الماتى جەو-3-ءتى قايتا قۇرۋ جوباسىن بىرلەسىپ ىسكە اسىرۋ تۋرالى كەلىسىمگە قول قويىلدى. ەادب الماتى جەو-3-ءتى قايتا قۇرۋ جونىندەگى جوبانى ىسكە اسىرۋ ماقساتىمەن الەس (Sustainability-Linked Bond/SLB – ەكولوگيالىق جانە الەۋمەتتىك جوبالاردى قارجىلاندىرۋ ءۇشىن بورىشتىق باعالى قاعازدار) شىعاراتىن ورنىقتى دامۋ وبليگاتسيالارىن (ESD) ساتىپ الۋدى جوسپارلاپ وتىر.
كەلىسىمگە قول قويۋعا بايلانىستى سالتاناتتى ءىس-شارا استانادا Astana International Exchange (AIX) الاڭىندا ءوتتى. الماتى جەو-3-ءتى قايتا قۇرۋ جوباسىن قارىزدىق قارجىلاندىرۋدى قامتاماسىز ەتۋ ماقساتىمەن «استانا» حقو-نىڭ بيرجاسىندا جالپى نومينالدى كولەمى 236,8 ملرد تەڭگەگە دەيىنگى تۇراقتى دامۋعا بايلانىستى. الەس-تىڭ العاشقى وبليگاتسيالىق باعدارلاماسى تىركەلدى.
«سامۇرىق-ەنەرگو» اق ەكونوميكا جانە قارجى جونىندەگى باسقارۋشى ديرەكتورى الماسبي كامالوۆتىڭ ايتۋىنشا, جوبانى قارجىلاندىرۋدى ۇيىمداستىرۋ ءۇشىن كوپ جۇمىس جۇرگىزىلدى, ونىڭ ىشىندە حالىقارالىق ستاندارتتار بويىنشا قورشاعان ورتاعا تيگىزەتىن اسەردى باعالاۋ جانە الەمدىك تاجىريبەلەردى ەسكەرە وتىرىپ, قولدانىلاتىن تەحنولوگيالاردى باعالاۋ. «سامۇرىق-قازىنا» اق مەن «سامۇرىق-ەنەرگو» اق الماتى اگلومەراتسياسىن دامىتۋعا ەرەكشە كوڭىل بولەدى. الماتى جەو-3-ءتى جاڭعىرتۋدان باسقا, الماتى ەنەرگيا تورابىندا ءوڭىردىڭ ەنەرگەتيكالىق الەۋەتىن كۇشەيتىپ, مانەۆرلىك قۋات تاپشىلىعىن ازايتىپ قانا قويماي, قالانىڭ ەكولوگياسىن جاقسارتاتىن بىرقاتار ماڭىزدى جوبا ىسكە اسىرىلىپ جاتىر», دەپ اتاپ ءوتتى «سامۇرىق-ەنەرگو» اق وكىلى.
«ەۋرازيا دامۋ بانكى الماتى جەو-3-ءتى قايتا قۇرۋ سياقتى مەگا جوبالاردى ىسكە اسىرۋعا باعىت ۇستاپ وتىر. وسى تۇرعىدا ءبىز بىرنەشە ماڭىزدى اسپەكتىنى ءبولىپ كورسەتەمىز. بىرىنشىدەن, ءوز رەسۋرسىن سارقىپ تاۋىسقان توزىعى جەتكەن كومىر ەنەرگەتيكالىق قازاندىقتاردىڭ ورنىنا تابيعي گازبەن جاناتىن زاماناۋي, ەكولوگيالىق تازا بۋ-گاز قوندىرعىلارىن ورناتۋ ەلىمىزدىڭ اسا ءىرى قالاسىنداعى ەكولوگيالىق جاعدايدى ايتارلىقتاي جاقسارتادى. بۇل بانك ۇستاناتىن ورنىقتى دامۋ قاعيداتتارىنا تولىق سايكەس كەلەدى. ەكىنشىدەن, ورتالىق ازياداعى سۋ-ەنەرگەتيكالىق كەشەندى دامىتۋ جونىندەگى ءبىزدىڭ ءىرى ينۆەستيتسيالىق جوبامىزدى ىسكە اسىرۋ بارىسىندا ەۋرازيا دامۋ بانكى ەلدەرگە ەنەرگەتيكالىق قاۋىپسىزدىككە قول جەتكىزۋگە بەلسەندى جاردەمدەسىپ, قارجىلاندىرىپ, جوبالاۋ الدىنداعى جۇمىستارعا گرانتتار بولەدى. سونىمەن, ءبىز كاپيتال تارتۋدىڭ جاڭا تەتىكتەرىن ازىرلەۋگە بەلسەندى تۇردە اتسالىسامىز جانە Sustainability-Linked Bond ورنىقتى دامۋ وبليگاتسيالارىن شىعارۋعا قۋانا قاتىسامىز», دەپ اتاپ ءوتتى ەادب باسقارما توراعاسىنىڭ ورىنباسارى رۋسلان دالەنوۆ.
الەس ورنىقتى دامۋ وبليگاتسيالارىنىڭ دەبيۋتتىك شىعارىلىمى قاجەتتى كونسۋلتاتسيالىق سۇيەمەلدەۋ شارالارىن اتقارعان احقو جاسىل قارجى ورتالىعىنىڭ قولداۋىمەن ىسكە اسىرىلدى, ول وبليگاتسيالاردىڭ ورنىقتى دامۋ وبليگاتسيالارى قاعيداتتارىنا (Second Party Opinion) سايكەستىگى تۋرالى تاۋەلسىز قورىتىندى بەردى.
احقو جاسىل قارجى ورتالىعى ديرەكتورلار كەڭەسىنىڭ توراعاسى دانيار كەلبەتوۆ: «احقو ەكولوگيالىق ورنىقتى جوبالارعا ينۆەستيتسيالار تارتۋعا مۇمكىندىك بەرەتىن يننوۆاتسيالىق قارجى قۇرالدارىن ەنگىزۋگە بەيىلدى. وسىنداي جاڭا قارجىلىق ونىمدەردىڭ ءبىرى – ورنىقتى دامۋعا بايلانىستى وبليگاتسيالار (Sustainability-linked bonds). ءبىز بۇگىن قازاقستاننىڭ ورتالىق ازيادا كومىرتەگى ءىزىن تومەندەتۋ جونىندەگى جاھاندىق ماقساتتارعا قول جەتكىزۋگە ىقپال ەتەتىن وسى وبليگاتسيالار نارىعىن ءبىرىنشى بولىپ ىسكە قوسقانىنا قۋانىشتىمىز».
ەادب-دان بولەك, باسقا دامۋ ينستيتۋتتارى مەن ەكىنشى دەڭگەيلى بانكتەر جوبانىڭ الەۋەتتى ينۆەستورلارى بولا الادى. وبليگاتسيالىق باعدارلامانى شىعارۋ جانە ورنالاستىرۋ بويىنشا قارجىلىق كەڭەسشى جانە اندەررايتەر – «Sky Bridge Invest» اق.
احقو اقپاراتىنا سايكەس الەس SLB وبليگاتسيالارى ورتالىق ازياداعى ورنىقتى دامۋ وبليگاتسيالارىنىڭ ەڭ ءىرى شىعارىلىمى بولادى.
«كەيىنگى جىلدارى بۇكىل الەمدەگى ينۆەستورلار ينۆەستيتسيالىق شەشىمدەر قابىلداۋ كەزىندە ESG ولشەمشارتتارىنىڭ ماڭىزدىلىعىن كوبىرەك تۇسىنۋدە. ناتيجەسىندە, كوپتەگەن كومپانيا ESG-ءدى ءوز قىزمەتىنە جانە بيزنەس ستراتەگيالارىنا ەنگىزە باستادى. AIX قولجەتىمدى ونىمدەر جەلىسى ارقىلى ورنىقتى دامۋعا ينۆەستيتسيا سالۋعا مۇمكىندىك بەرە وتىرىپ, وسى ترەندكە ساي بولا العانىنا قۋانىشتى», دەپ اتاپ ءوتتى AIX باسقارما توراعاسى اسەل مۇقاجانوۆا.
«قۋاتى 500 مۆت بۋ-گاز قوندىرعىسى بازاسىندا الماتى جەو-3-ءتى قايتا قۇرۋ» ينۆەستيتسيالىق جوباسىن «سامۇرىق-ەنەرگو» اق ءوزىنىڭ ەنشىلەس ۇيىمى الەس ارقىلى ىسكە اسىرۋدا. جوبا ەلەكتر ستانساسىنىڭ قۋاتى مەن مانەۆرلىك مۇمكىندىكتەرىن ارتتىرا وتىرىپ, ونى تۇبەگەيلى جاڭارتۋدى كوزدەيدى. جاڭا جەو ەلەكتر جانە جىلۋ ەنەرگياسىن ارالاس وندىرەتىن بولادى. جوبانىڭ نەگىزگى اسپەكتىلەرىنىڭ ءبىرى – ستانسادا ەسكىرگەن جانە توزعان شاڭ-كومىر جابدىقتارىنىڭ ورنىنا تابيعي گازبەن جۇمىس ىستەيتىن زاماناۋي ەكولوگيالىق تازا بۋ-گاز ەنەرگيا بلوكتارىن ورناتۋ.
الماتى