توعىز كۇدىكتى ۇستالدى

وبلىستىق پوليتسيا دەپارتا­مەنتى كريمينالدىق پوليتسيا باس­قارماسىنىڭ ءبولىم باسشىسى, پوليتسيا پودپولكوۆنيگى اباي جۇما­باەۆتىڭ مالىمەتىنشە, مال ۇرلىعىنا بايلانىستى 9 كۇدىكتى ۇستالعان. كۇدىكتىلەردىڭ دەنى – تەپسە تەمىر ۇزەدى دەيتىندەي جاس جىگىتتەر.

«مال ۇرلىعى اسىرەسە اۋىل تۇر­عىندارىن مازالاپ وتىر. سول سەبەپتەن «م ۇلىكتى قورعاۋ جونىندەگى 2021-2023 جىلدارعا ارنالعان باع­دارلاماسىن ىسكە اسىرۋ جونىندەگى ءىس-شارالار» جوسپارى جاساقتالدى. اتالعان جوسپارعا سايكەس جەرگىلىكتى اتقارۋشى ورگاندارمەن بىرگە مال ۇرلىعىنىڭ الدىن الۋ, قىلمىستى اشۋعا باعىتتالعان بىرقاتار ءىس-شا­را قابىلداندى. ۆەتەريناريا وكىل­دەرىمەن ارادا قول قويىلعان مەمو­راندۋمعا ساي ارنايى جۇمىس توبى قۇرىلدى», دەيدى ا.جۇماباەۆ.

پوليتسيا وكىلىنىڭ دەرەگىنە سۇيەن­سەك, وڭىردە مالدى ۋاقىتشا ۇس­تاۋعا ارنالعان 9 ارنايى ورىن اشىلعان. مالدى قۇجاتسىز تاسى­مال­داعان 41 ادام اكىمشىلىك جاۋاپكەرشىلىككە تارتىلىپتى. ال قاراۋسىز جۇرگەن 651 مال ارنايى ورىنعا قامالعان.

«بۇرىن مال ۇرلاعان كۇدىكتىلەر مەن جابىرلەنۋشىنىڭ تاتۋلاسۋى­نا بايلانىستى قىلمىستىق ءىس توق­تاتىلاتىن ەدى. ىشكى ىستەر مينيس­ترلىگىنىڭ ۇسىنىمەن قىلمىستىق كودەكسكە وزگەرىستەر مەن تولىقتىرۋلار ەنگىزىلدى. ەندى مال ۇرلىعىنىڭ جەكە نورماسىنا سايكەس كىنالىلەر 5 جىلدان 12 جىلعا دەيىن باس بوستاندىعىنان ايىرۋ جازاسىنا تارتىلادى. بۇل وزگەرىس 2020 جىلدىڭ 11 قاڭتارىندا زاڭدى كۇشىنە ەندى», دەپ ءمالىم ەتتى ا.جۇماباەۆ.

وتكەن اپتادا يندەر اۋداندىق سوتىندا مال ۇرلاعان ءۇش سوتتالۋشىعا قاتىستى قىلمىستىق ءىس قارالدى. ەكى تۇرعىنعا قىلمىستىق كودەكستىڭ 188-1-بابى 3-بولىگىنىڭ 1, 2-تار­ماق­تا­رىمەن, ال ۇشىنشىسىنە 188-1-با­بى 2-بولىگىنىڭ 1-تارماعىمەن ايىپ تاعىلعان. «سوتتالۋشىلار الدىن الا ءسوز بايلاسىپ, بوتەننىڭ اۋلا­سىنا كىرىپ, بىرنەشە رەت مال ۇرلا­عان. ۇشتىكتىڭ بىرەۋى الدىن الا ءسوز بايلاسۋ ارقىلى بوتەننىڭ مالىن ورىستەن جاسىرىن جىمقىرعان. سوتتا­لۋشىلاردىڭ كىناسى ءىس ماتەريالدارىمەن تولىقتاي دالەلىن تاپتى», دەپ حاباردار ەتتى اۋداندىق سوتتان.

مال يەلەرىنە 1 ملن 700 مىڭ تەڭگە كولەمىندە زالال كەلتىرىلگەن. سوت ۇكىمىمەن سوتتالۋشىلاردىڭ ەكەۋى قىلمىستىق كودەكستىڭ 188-1-بابى 3-بولىگىنىڭ 1,2-تارماقتارىمەن كىنالى دەپ تانىلدى. ولارعا مۇلكىن تاركىلەمەي, 5 جىل 6 اي مەرزىمگە باس بوستاندىعىنان ايىرۋ جازاسى تاعايىندالدى. ال ءۇشىنشى سوتتالۋشى قىلمىستىق كودەكستىڭ 188-1-بابى 2-بولىگىنىڭ 1-تارماعىمەن كىنالى دەپ تانىلىپ, وعان مۇلكىن تاركىلەمەي, 3 جىل مەرزىمگە باس بوستاندىعىنان ايىرۋ جازاسى تاعايىندالدى.

اتىراۋ وبلىسى