سينوپتيكتەر جەلتوقساننىڭ 5,6,7 كۇندەرىنە ارنالعان اۋا رايى بولجامىن ۇسىندى, مالىمەتكە سۇيەنسەك, الداعى ءۇش كۇندە ەلىمىزدىڭ سولتۇستىك ايماقتارىندا اۋا تەمپەراتۋراسى كۇرت تومەندەيدى, دەپ حابارلايدى Egemen.kz.
اپتانىڭ باسىندا رەسپۋبليكانىڭ باتىس جانە سولتۇستىك بولىگى تسيكلوننىڭ جانە ونىمەن بايلانىستى اتموسفەرالىق فرونتالدى بولىمدەردىڭ ىقپالىندا بولادى, جاڭبىر مەن قار كۇتىلەدى. 6 جەلتوقساندا ەلىمىزدىڭ سولتۇستىگىندە قاتتى قار بولجانادى, كوكتايعاق, بۇرقاسىن كۇتىلەدى, تەك ەلىمىزدىڭ وڭتۇستىگىندە, وڭتۇستىك-شىعىسىندا جاۋىن-شاشىنسىز اۋا رايى كۇتىلەدى.
7 جەلتوقساندا سۋىق سولتۇستىك-باتىس انتيتسيكلوننىڭ ەنۋىنە بايلانىستى بۇكىل رەسپۋبليكا بويىنشا اۋا رايى جاۋىن-شاشىنسىز بولادى. اۋا تەمپەراتۋراسى تۇندە ەلىمىزدىڭ باتىسىندا, ورتالىعىندا, شىعىسىندا 10-18 گرادۋس ايازعا دەيىن, رەسپۋبليكانىڭ سولتۇستىك-باتىسىندا جانە سولتۇستىگىندە 25-33 گرادۋس ايازعا دەيىن, وڭتۇستىگىندە 5-13 گرادۋس ايازعا دەيىن كۇرت تومەندەيدى. قازاقستان بويىنشا تۇمان مەن جەل كۇشەيەدى دەپ كۇتىلىپ وتىر.