ماڭىزدى كەلىسىمدەر جاسالدى

ءىس-شارا بارىسىندا قاتىسۋ­شى­لار قا­زاق­ستاننىڭ باستاماسىمەن ۇيىمدى ودان ءارى نىعايتۋ جانە دامىتۋ, سونداي-اق ىنتى­­ماق­تاس­تىق­تى تاجىريبەلىك شارا­لار­مەن تو­لىق­تىرۋ جونىندەگى ۇسى­نىس­تاردى قارادى.

قازاقستاندا وتەتىن شىۇ نە­­­گىز­­گى ورگاندارى – مەملەكەت باس­­شى­لارى كەڭەسىنىڭ, سىرتقى ىستەر مينيس­ترلەرى كەڭەسىنىڭ وتىرىستارىن, سونداي-اق قاۋىپ­سىز­دىك كەڭەستەرى حاتشىلارىنىڭ كەز­دەسۋلەرىن ساپالى دايىنداۋ بو­يىنشا ماسەلەلەرگە باستى نازار اۋدارىلدى.

2024 جىلى استانادا وتكەن شىۇ سام­ميتىندە قول قويۋعا جوس­پار­لانعان قۇجات­تاردىڭ جوبالارىنا, ونىڭ ىشىندە مەم­لەكەت باسشىسى ايتقان «ادىلەتتى الەم مەن كەلىسىمدى جاقتايتىن دۇنيەجۇزىلىك بىر­لىك تۋرالى» شىۇ باستاماسىنا كەلىسۋ جۇ­­مىستارى جۇرگىزىلدى. شىۇ-نىڭ قازىرگى كە­زەڭدەگى قىز­مە­تىن جەتىلدىرۋ ماسەلەسى بو­­يىنشا ءتيىستى شارالار مەن ۇسىنىستار قا­رالدى.

ۇلتتىق ۇيلەستىرۋشى, ءسىم ەرەك­شە تاپسىرمالار جونىندەگى ەلشىسى مۇرات مۇقىشەۆ اتقارىلىپ جات­قان جۇمىستىڭ ماڭىزىن, سونداي-اق ءتيىمدى پراكتيكالىق كوپجاقتى ءوزارا ءىس-قيمىل مۇددەسىندە شىۇ-نى جەتىلدىرۋ ماسەلەسى بو­يىن­شا وبەك­تيۆتى جانە ءوزارا قو­لاي­­لى شەشىمدەردى ازىرلەۋدە مۇشە مەملەكەتتەردىڭ سىندارلى كوزقاراسىن اتاپ ءوتتى. ۇلتتىق ۇي­لەس­تىرۋ­شىلەر ۇيىمنىڭ قازىرگى قىزمەتى ماسە­لە­لە­رىن, سونىڭ ىشىندە شىۇ-نىڭ 2024 جىل­عا ار­نالعان نەگىزگى ءىس-شارالار جوس­پا­رىن دا تال­­قى­لادى.

وتىرىس ءداستۇرلى تۇردە جىلى شىراي­لى دوستىق احۋالدا ءوتتى. تاراپتار بىر­لەس­­كەن جۇمىستىڭ نا­تي­­جەلىلىگىن, قازاق­ستان­نىڭ ۇيىم­­عا توراعالىق ەتۋىنىڭ باسىم­دىق­­­تارى مەن جوسپارلارىن ىسكە اسى­­رۋعا باعىتتالعانىن اتاپ كور­­س­ەتتى.