الماتىدا «50 cent»-ءتىڭ كونتسەرتىنە جالعان بيلەتتەردى ساتقان 18 جاستاعى جىگىت ۇستالدى, دەپ حابارلايدى Egemen.kz.
الماتىدا 18 جاستاعى ل. ەسىمدى ازامات بيلەت ساتاتىن كومپانيانىڭ رەسمي وكىلىنىڭ اتىن جامىلا وتىرىپ, Instagram ارقىلى بيلەت الۋعا وتىنىشتەردى قابىلداعان. سونداي-اق الەۋمەتتىك جەلىدە اۋقىمدى جارناماعا SMM مەنەدجەرىن جالداعان.
الماتى قالالىق كريمينالدىق پوليتسيا باسقارماسى كۇدىكتىنىڭ ۇستالعانىن مالىمدەدى.
«قازىرگى تاڭدا المالى اۋداندىق پوليتسيا باسقارماسىندا الدانعان ازاماتتاردىڭ ارىزدارى نەگىزىندە قر قك-ءنىڭ 190-بابى «الاياقتىق» بويىنشا قىلمىستىق ءىس تىركەلدى. جاس جىگىت «50 cent»-ءتىڭ كونتسەرتىنە جالعان بيلەتتەردى ساتقان. الاياقتىڭ باسقا دا قۇرباندارىن انىقتاۋعا باعىتتالعان تەرگەۋ ءىس-شارالارى جالعاسىپ جاتىر», دەپ حابارلادى الماتى قالالىق پوليتسيا دەپارتامەنتىنىڭ ءباسپاسوز قىزمەتى.