اقجول گەرويعا اتالعان ناگرادانى قورعانىس ۆەدومستۆوسى باسشىسىنىڭ اتىنان دەسانتتىق-شابۋىلداۋ اسكەرلەرىنىڭ قولباسشىسى گەنەرال-مايور الماز جۇماكەەۆ تابىس ەتتى. ءىس-شاراعا دەسانتتىق-شابۋىلداۋ اسكەرلەرىنىڭ قولباسشىلىعى مەن جەكە قۇرامى, ا.گەرويدىڭ اتا-اناسى جانە «جاس سارباز» قوزعالىسىنىڭ تاربيەلەنۋشىلەرى قاتىستى, دەپ جازادى Egemen.kz.
«جاس سارباز» اسكەري-پاتريوتتىق كلۋبىنىڭ تاربيەلەنۋشىسى اقجول گەروي باتىل ارەكەتىمەن جول-كولىك وقيعاسىنىڭ الدىن العانى ءۇشىن قورعانىس ءمينيسترى گەنەرال-پولكوۆنيك رۋسلان جاقسىلىقوۆ ىزگى تىلەكتەرىن جەتكىزگەن. «سىزدەردىڭ ۇلدارىڭىز سىندارلى ساتتە اتىنا زاتى ساي ناعىز باتىر ەكەنىن دالەلدەدى», دەلىنگەن جاس باتىردىڭ اتا-اناسىنا جازىلعان العىس حاتتا.
ەسكە سالايىق, جەدەل قيمىلىمەن اۆتوبۋستىڭ ۇيمەن سوقتىعىسۋىنىڭ الدىن العان وقۋشى تۋرالى اقپاراتتار كەڭىنەن تارالدى. ءبىز بەيبىت كۇننىڭ باتىر بالاسىنا اينالعان گەرويدىڭ نەمەرەسىنەن سۇحبات تا الدىق. ونى بۇگىن سايتىمىزدا جاريالادىق.