United Airlines سەرىكتەسى Lufthansa Group جانە Deutsche Bahn كومپانيالارىمەن بىرگە بىرىڭعاي بيلەت ۇسىندى. بيلەت گەرمانيادا اۋە رەيستەرى مەن تەمىرجول ارقىلى ساياحات جاساۋعا بىردەي جارامدى, دەپ حابارلايدى Egemen.kz Travel + Leisure پورتالىنا سىلتەمە جاساپ.
بىرىڭعاي بيلەتتىڭ تاعى ءبىر ارتىقشىلىعى رەيستىڭ كەشىگۋى نەمەسە ۇشپاۋى ءمالىم بولعاندا اۋىسۋعا, سول باعىتتاعى پويىزدا قولدانۋعا مۇمكىندىك بەرەدى.
جولاۋشىلار مۇنداي بيلەتتەردى ازىرگە گەرمانيانىڭ 25 قالاسىنا جانە شۆەيتساريانىڭ بازەل قالاسىنا قاتىنايتىن پويىز قىزمەتىنە پايدالانادى. بيلەت يەلەرى ەكى كولىك تۇرىنە دە وتىرعىزۋ تالونىن الادى, سونداي-اق باگاجدى وڭدەۋ ارتىقشىلىعى مەن فرانكفۋرت اۋەجايىنىڭ AiRail تىركەۋ الاڭىنىڭ قىزمەتىنە قولدانۋعا مۇمكىندىك بەرىلەدى.