ماسەلەلەردى بىرلەسىپ شەشۋگە دايىن

جيىن ءىى «جاھاندىق وڭ­تۇستىكتىڭ داۋىسى» ءسامميتى اياسىندا ءوتىپ وتىر. ءسوز باسىندا ءسىم باسشىسى ءۇندىستاندى بيىل «ۇلكەن جيىرمالىقتا» (G20) توراعالىقتىڭ ءساتتى اياقتالۋىمەن قۇت­تىقتادى. استانا مەن نيۋ-دەلي اراسىنداعى ستراتەگيالىق ارىپتەستىككە, سونداي-اق قازاق­ستان مەن جاھاندىق وڭتۇستىك ارا­­سىن­­داعى ءوزارا ءتيىمدى ىنتى­ماق­­تاس­­تىقتىڭ ماڭىزىنا نازار اۋدار­دى. م.نۇرتىلەۋ كولىكتىك ءوزارا بايلانىستى دامىتۋ جانە كولىك باعىتتارىن ءار­تا­­راپ­­­­تاندى­رۋ قا­­جەتتىگىن اتاپ ءوتتى. سو­نى­مەن قا­تار مينيستر ءىس-شا­راعا قا­تى­سۋ­شىلار­دى قا­زاق­ستان­­نىڭ جو­­عارى تەحنولوگيا­لار سالا­­سىن­­­داعى ەكسپورتتاۋشى بو­لۋ جوس­­­پار­لارى تۋرالى حاباردار ەتتى. وسىعان باي­لانىستى «اس­­تانا حاب» تەحنو­لوگيالىق پار­كى ءۇندىستان مەن جا­ھاندىق وڭتۇس­تىكتىڭ ساراپشى­لارى ءۇشىن تەحنولوگيالار مەن يننو­ۆاتسيالار سالاسىنداعى ءوزارا ءىس-قيمىلدى ارتتىرۋدا قولايلى پلاتفورما بولا الادى.

سونداي-اق قازاقستاننىڭ 2060 جىلعا قاراي كومىرتەگى بەي­­­تا­راپ­تىعىنا قول جەت­كى­زۋ جو­­­­نىن­دەگى باس­تاماسىنا ەرەك­شە نازار اۋدارىل­دى. الەم­دىك قوعامداستىقتىڭ وسىنداي پروبلەمالاردى شەشۋگە تارتى­لۋى­نىڭ ماڭىزىن ەسكەرە وتىرىپ, ءسىم باسشىسى كونتر-سەرىك­تەستەردى 2026 جىلى قازاقستاندا وتەتىن بۇۇ وڭىرلىك كليماتتىق سامميتىنە قاتىسۋعا شاقىردى.

مينيستر م.نۇرتىلەۋ بيو­لو­گيالىق قاۋىپ-قاتەرلەردى ازاي­تۋعا باعىتتالعان جاڭا بىر­لەس­كەن شارالار قابىلداۋ قاجە­تىن اتاپ ءوتتى. وسىعان بايلانىستى قازاقستان پرەزيدەنتى قا­سىم-جومارت توقاەۆتىڭ بيو­لو­گيا­لىق قاۋىپسىزدىك جونىندەگى حا­لىقارالىق اگەنتتىك قۇرۋ جو­نىن­­دەگى باستاماسى تۋرالى ەسكە سالدى. مۇنىڭ ماقساتى تەحنولو­گيالار ترانسفەرتى جانە ەلدەر اراسىندا وسى سالادا تاجىريبە الماسۋ بولاتىنىن جەتكىزدى.

ءسوزىنىڭ سوڭىندا سىرتقى ىستەر مينيسترلىگىنىڭ باسشىسى قازاقستان سەرىكتەستەرمەن ينك­ليۋ­­زيۆتىلىك, كوپجاقتى جانە ىزگى نيەت رۋحىندا ىنتىماقتاسۋعا جانە حالىقارالىق كۇن تارتىبىن­دەگى ماسەلەلەردى شەشۋدە بىر­لە­سىپ ارەكەت ەتۋگە دايىن ەكە­نىن مالىمدەدى. كەزدەسۋگە ازيا, افريكا, وكەانيا اتىنان وكىل­دىك ەتەتىن بىرقاتار مەملەكەت­تىڭ پرەمەر-مينيسترلەرى مەن سىرتقى ىستەر مينيسترلەرى قا­تىستى.