فۋتبولدان 2024 جىلعى ەۋروپا چەمپيوناتىنىڭ ىرىكتەۋ ءتۋرنيرىنىڭ سوڭعى تۋرىندا كەزدەسەتىن سلوۆەنيا – قازاقستان ماتچىنىڭ تورەشىلەرى بەلگىلى بولدى, دەپ حابارلايدى Egemen.kz.
ماتچتىڭ باس تورەشىسى - پولياك شيمون مارچينياك.
وعان وتانداستارى پاۆەل سوكولنيتسكي مەن ادام كۋپسيك كومەكتەسەدى. قوسالقى تورەشى دە سول ەلدىڭ وكىلى - پاۆەل راچكوۆسكي.
ەل قۇراماسى H توبىندا 9 ويىننان كەيىن 18 ۇپاي جيناپ, ءۇشىنشى ورىندا تۇر.
بۇل توپتا دانيا 22 ۇپاي جيناپ, ءبىر تۋر بۇرىن قۇرلىقتىق دودانىڭ فينالدىق ساتىسىنا جولداما الدى. ال سلوۆەنيانىڭ ەنشىسىندە 19 ۇپاي بار.
توپتاعى ەكىنشى جولدامانىڭ تاعدىرى سلوۆەنيا جانە قازاقستان كەزدەسۋىندە شەشىلەدى.