قولونەر مەن مۋزىكا ۇيلەسىمى

كورمەگە ءداستۇرلى مۋزىكامەن شەبەر ۇيلەسكەن كورەي قولونەر تۋىندىلارى ۇسىنىلدى. بۇل جۇمىستاردان كورەي حالقىنا ءتان اسەمدىكتى, نا­زىك­تىكتى, شىنايىلىقتى كورەسىز. ءار­بىر تۋىندى ۇلتتىق ناقىشپەن ورنەك­تەلگەن. سونىمەن بىرگە كورمەگە كە­لۋشىلەر كورەي مەن وتاندىق ارتىستەر دايىنداعان مۋزىكالىق قويىلىمدى تاماشالادى. ماسەلەن, كورەيادان كەلگەن ونەرپازدار «پحانسوري» جانرىن­داعى ۆوكالدىق قويىلىم كور­­سەتىپ, «ساندجو» مۋزىكالىق ستي­لىندەگى ءداستۇرلى «كاياگىم» اسپابىن­دا ونەر كورسەتتى. قازاقتىڭ   ءداس­تۇرلى ساز اسپاپتارى جەتىگەن مەن قوبىزدىڭ سۇيە­مەل­دەۋىندەگى ەكى ەل ونەر­پازدارىنىڭ قو­­يى­لىمىن دا  جۇرتشىلىق جىلى قابىلدادى.

مازمۇندى شارانىڭ اشىلۋىن­دا «QazExpoCongress» ۇك» اق باس­قارما توراعاسىنىڭ ورىنباسارى سانسىزباي جولداسباەۆ كورمەنىڭ ەكى ەل اراسىنداعى مادەني الماسۋ جىلى اياسىندا ءوتىپ وتىرعانىن جەتكىزسە, ەلىمىزدەگى كورەيا رەسپۋبليكاسىنىڭ توتەنشە جانە وكىلەتتى ەلشىسى چجو تە-يك «K-Maestro» تامىرى تەرەڭ­نەن تارتقان ءداستۇرلى مۋزىكا مەن قولونەردى بىرىكتىرەتىنىن اتاپ ءوتتى.

«بۇگىنگى كورمەنىڭ ماڭىزى وتە زور.  سوندىقتان وسى كورمەنى وتكىزۋگە قولداۋ كورسەتكەن بارلىق ازاماتقا ريزاشىلىعىمدى ايتامىن.  سونداي-اق «K-Maestro»-دا ونەر كورسەتۋگە كورەيادان قازاقستانعا ارنايى كەلگەن ونەر شەبەرلەرى ليم چجەين,  چجي ارىم, چوي چجەيونگە ەرەكشە قۇر­مەتىمدى بىلدىرەمىن», دەدى ەلشى.