ورتالىق كوممۋنيكاتسيالار قىزمەتىندە «وتباسى» بانكىنىڭ باسشىسى ءلاززات يبراگيموۆا جاس وتباسىلارعا ارنالعان «9-20-25» باعدارلاماسىن ىسكە قوسۋ مۇمكىندىگى تۋرالى ايتتى, دەپ حابارلايدى Egemen.kz.
«Astana TV» ارناسىنىڭ جازۋىنشا, «9-20-25» باعدارلاماسى ءالى جوسپارلانىپ جاتىر.
ء«بىز بانكتىك وبليگاتسيالاردى شىعارۋدى جوسپارلاپ وتىرمىز. ارنايى جاس وتباسىلارعا ارنالعان باعدارلاما جاساۋ قىزىق بولار ەدى دەپ ويلايمىز. «باقىتتى وتباسى»مەملەكەتتىك باعدارلاماسى بار. وعان كوپبالالى وتباسىلار, مۇگەدەكتىگى بارلاردى تاربيەلەپ وتىرعان وتباسىلار, 1-2 توپتاعى مۇگەدەكتەر جانە جەتىم بالالار قاتىسادى. كەيىنگى ۋاقىتتا جاس وتباسىلار ءبىر بالالى ەكەنىن, ءبارىن باسىنان باستاپ جاتقانىن, بىراق باسپاناسى جوق ەكەنىن, مەملەكەتتىك قىزمەتكەر ەمەس ەكەنىن, وسى ساناتقا تۇرا المايتىنىن ءجيى ايتىپ جاتادى», دەپ ءتۇسىندىردى ءلاززات يبراگيموۆا.بۇل رەتتە ول اقشا نارىقتان تارتىلاتىندىقتان, ونداعى مولشەرلەمە جوعارى بولۋى مۇمكىن ەكەنىن اتاپ ءوتتى.
ء«بىز ونى جوسپارلاپ جاتىرمىز. بارلىق شارتتارى, مۇمكىندىكتەرى مەن تەتىكتەرى 2024 جىلى ناقتى بەلگىلى بولادى. بۇل باعدارلاما ءالى باستالعان جوق, ءليميتى دە جوق. بۇل باعدارلاما ءبىزدىڭ جوسپارىمىزدا تۇر. ەسەپتەپ جاتىرمىز», دەپ تۇيىندەدى «وتباسى بانك» باسشىسى.سونداي-اق بۇگىن «وتباسى بانكى» 20 ميلليونىنشى بولىپ دۇنيەگە كەلگەن ەلىمىزدىڭ 5 تۇرعىنىنا 2 ميلليون تەڭگەدەن بەرەتىنىن جازعان ەدىك.