ۇلتتىق قاۋىپسىزدىك كوميتەتى مەن باس پروكۋراتۋرا سوتقا دەيىنگى تەرگەپ-تەكسەرۋ شەڭبەرىندە استانا, اتىراۋ جانە جەزقازعان قالالارىندا راديكالدى ءدىني توپتاردى انىقتادى, دەپ جازادى Egemen.kz.
ۇلتتىق قاۋىپسىزدىك كوميتەتىنىڭ مالىمەتىنشە تەرروريزمدى ناسيحاتتاۋ, سونداي-اق ەكسترەميستىك توپتى قۇرۋ, وعان باسشىلىق ەتۋ جانە ونىڭ ارەكەتىنە قاتىسۋ كۇدىگىمەن ەكسترەميستىك توپتىڭ 12 مۇشەسى ءبىر مەزگىلدە ۇستالدى.
تەرگەۋ بولجامى بويىنشا, ولار قازاقستانداعى زايىرلى قۇرىلىمدى قۇلاتۋدى كوزدەگەن. ول ءۇشىن ەكسترەميستىك يدەولوگيانى تاراتقان جانە قاتارلارىنا جاڭا جاقتاستاردى تارتقان.
«فيگۋرانتتاردىڭ تۇرعىلىقتى مەكەنجايلارى بويىنشا ءتىنتۋ بارىسىندا تىيىم سالىنعان ادەبيەتتەر مەن باسقا دا دالەلدى زاتتار ايقىندالدى.توپتىڭ بىرقاتار مۇشەسى پوليتسيا قىزمەتكەرىن ءولتىرۋ, بانديتيزم, قاراقشىلىق, توناۋ جانە زورلاۋ سەكىلدى اۋىر قىلمىستار جاساعاندارى ءۇشىن بۇرىن سوتتى بولعاندار. قىلمىستىق-پروتسەستىك كودەكستىڭ 201-بابى 1-بولىگىنە سايكەس وزگە اقپارات جاريا ەتۋگە جاتپايدى», دەلىنگەن قاۋىپسىزدىك كوميتەتى تاراتقان حابارلامادا.