جاس ءدىلمارلار دوداسى

جاس ءدىلمارلار باس قوسقان وي باسەكەسى جوعارى دەڭگەيدە ءوتتى. حالقىمىزدىڭ عاسىرلار بويى قالىپتاسىپ, بۇگىنگە جەت­كەن باعا جەتپەس قاسيەتتى قازى­ناسىن قادىرلەگەن زەرەك جاستار قا­زىلار القاسىن ءتانتى ەتتى. قاتى­سۋشىلارعا شەشەن سويلەۋ, كور­كەمدىك, جۇيەلىلىك, ناقتىلىق, وي ۇشقىرلىعى, ءتىل تازالىعى, داۋىس مانەرى, ساحنا مادەنيەتىن ساقتاۋ باستى تالاپ رەتىندە قويىلدى.

قازىلار القاسىنىڭ شە­شىمىمەن باس جۇلدە س.دەميرەل ۋنيۆەرسيتەتىنىڭ 1-كۋرس ستۋدەنتى (500 مىڭ) شىڭعىس ەربول ۇلىنا بۇ­يىردى. ءو.جانىبەكوۆ اتىن­داعى وڭتۇستىك قازاقستان پەدا­گوگيكالىق ۋنيۆەرسيتەتىنىڭ 1-كۋرس ستۋدەنتى دينارا التىنبەكوۆا جۇل­دەلى 1-ورىن يەگەرى (300 مىڭ) اتاندى. قوس بىردەي 2-ورىندى (150 مىڭ) قازاق-بريتان تەح­­نيكالىق ۋنيۆەرسيتەتىنىڭ شا­كىرتى تالعات ورىنقوجا مەن م.قو­زىباەۆ اتىنداعى سولتۇستىك قا­زاقستان ۋنيۆەرسيتەتىنىڭ ستۋ­دەنتى نۇراي قاليحانوۆا ولجالادى. ءوز ونەرىمەن كوپشىلىكتى ءتانتى ەتكەن ق.جۇبانوۆ اتىنداعى اقتوبە وڭىرلىك ۋنيۆەرسيتەتىنىڭ ستۋدەنتى ايكوركەم بايىمبەتوۆا, م.وسپانوۆ اتىنداعى باتىس قا­زاقستان مەديتسينا ۋنيۆەرسي­تەتى­نىڭ 4-كۋرس ستۋدەنتى بەكجان نۇر­مۇحانوۆ, اباي اتىنداعى قازۇپۋ-دىڭ 1-كۋرس ستۋدەنتى دا­­نا تاسمۇراتوۆاعا جۇلدەلى 3-ورىن (70 مىڭ) بەرىلدى. سونداي-اق 7 قاتىسۋشىعا 20 مىڭ تەڭگە كولە­مىندە ارنايى جۇلدە تابىس­تالدى. بايقاۋعا قاتارىنان ەكىن­شى مارتە دەمەۋشىلىك جاساعان «اتامۇرا» كورپوراتسياسىنىڭ پرە­­زيدەنتى, قوعام قايراتكەرى را­قىمعالي ابرار ۇلى.

«شەشەندىك سايىستى وت­كىزۋدىڭ باستى ماقساتى – جاڭا بۋىن, جاس ۇرپاقتى ءتىل تازا­لىعىن ساقتاۋعا, مەم­لەكەتتىك ءتىلدى مەيلىنشە جەتىك بىلۋگە باۋلۋ. شەشەندىك ونەر ار­قى­لى بىلىم­گەرگە ءسوز ونەرىنىڭ ەرەك­شەلىگى مەن جۇيەلى ءسوز ساپتاۋ شارتتارىن مەڭگەرتۋ, جۇيەلى سويلەۋ داعدىسى مەن سويلەۋ شەبەرلىگىن شىڭداۋ كوزدەلىپ وتىر. وسكەلەڭ ۇرپاق ءسوز قۇندىلىعىن باعالاپ, تاريحي-مادەني جانە ۇلت­تىق بولمىسىن تانىسا, سول ارقىلى ادەبي ءتىل نورماسىنا سايكەس مەم­لەكەتتىك ءتىلدى قولدانۋدىڭ جاڭا دەڭ­گەيى قالىپتاسسا دەگەن تىلەگىمىز بار. بايقاۋعا ءتورىن ۇسىنىپ ۇيىم­­داستىرعان اباي اتىنداعى قازۇپۋ باسشىلىعىنا, «ۇلت­تىق تاربيە» ورتالىعىنا مىڭ العىس», دەيدى جوبا اۆتورى, جۋرناليست جارقىن سالەن ۇلى.

الماتى