جۇزەگە اسىرىلاتىن بىرلەسكەن جوبالار

اتاپ ايتقاندا, جەتىسۋ وبلىسىندا قۋاتتىلىعى 1 گۆت بولاتىن ءىرى جەل ەلەكتر ستانساسىن سالۋ جوباسى تالقىلاندى. قازىرگى ۋاقىتتا دايىن­دىق جۇمىستارى ءجۇرىپ جاتىر, سوڭعى كەلىسىمگە قول جەتكىزىلگەننەن كەيىن, 2025 جىلى قۇرىلىستى باستاۋ جوسپارلانعان. 

پرەمەر-مينيستر اكىمشىلىك راسىم­دەردى جەدەلدەتۋدى جانە ورتالىق مەم­لەكەتتىك ورگاندار تاراپىنان بار­لىق قاجەتتى شەشىمدەردى ءبىر كۇندە ازىرلەۋدى تاپسىردى. 

سونداي-اق كەڭەستە اۋىل شارۋا­شىلىعى, فارماتسەۆتيكا, مەتاللۋرگيا جانە ت. ب. سالالاردا جاڭا جوبالاردى جۇزەگە اسىرۋ ماسەلەلەرى تالقىلاندى.

ءاليحان سمايىلوۆ ساۋد ارابيا­سىنىڭ ينۆەستورلارىمەن جۇمىس­تى بارلىق دەڭگەيدە جانداندىرۋ قاجەتتىگىن, اتاپ ايتقاندا, قازاق­ستان سىرتقى ىستەر مينيسترلىگى, قازاق­ستاننىڭ جيدداداعى ديپلوماتيالىق وكىلدىگى, «Kazakh Invest» ۇلتتىق كومپانياسى جانە باسقا دا مۇددەلى مەملەكەتتىك ورگاندار مەن ۇيىمدار بەلسەندى پوزيتسيانى ۇستانۋى, سونداي-اق الەۋەتتى جوبالار پۋلىن مۇقيات زەردەلەۋ قاجەت ەكەنىن اتاپ ءوتتى. 

پرەمەر-مينيستر ۇكىمەتارالىق كوميسسيانىڭ تاياۋدا بولاتىن وتىرىسى قارساڭىندا ەكى ەل كاسىپكەرلەرىنىڭ قاتىسۋىمەن تاقىرىپتىق بيزنەس-فورۋم ۇيىمداستىرۋدى تاپسىردى.