قازاقستان رەسپۋبليكاسىنىڭ كورەيا رەسپۋبليكاسىنداعى بۇرىنعى ەلشىسى باقىت دۇيسەنباەۆتى كورەيا رەسپۋبليكاسى پرەزيدەنتىنىڭ I دارەجەلى «ديپلوماتيالىق ەڭبەگى ءۇشىن» وردەنىمەن (كۆانحۆا وردەنى) ماراپاتتاۋ ءراسىمى ءوتتى, دەپ حابارلايدى Egemen.kz سىرتقى ىستەر مينيسترلىگىنىڭ ءباسپاسوز قىزمەتىنە سىلتەمە جاساپ.
وڭتۇستىك كورەيانىڭ قازاقستانداعى ەلشىسى چجو تە يك وردەندى تابىستاي وتىرىپ, ب. دۇيسەنباەۆقا استانا مەن سەۋل اراسىنداعى ەكىجاقتى قاتىناستاردى دامىتۋعا قوسقان ۇلەسى ءۇشىن العىسىن ءبىلدىردى.
قازاقستان ديپلوماتى كورەيا رەسپۋبليكاسىنىڭ پرەزيدەنتى مەن ۇكىمەتىنە ماراپات ءۇشىن ءوز العىسىن ءبىلدىردى.
ب. دۇيسەنباەۆ 2018 جىلدان 2023 جىلعا دەيىن كورەيا رەسپۋبليكاسىنداعى ەلشىسى قىزمەتىن اتقاردى. ول كۆانحۆا وردەنىن العان كورەيا رەسپۋبليكاسىنداعى العاشقى قازاقستان ەلشىسى.
ايتا كەتەيىك, «ديپلوماتيالىق ەڭبەگى ءۇشىن» وردەنى – كورەيا رەسپۋبليكاسى مەن شەت مەملەكەت اراسىنداعى دوستىقتى كەڭەيتۋگە جانە نىعايتۋعا قوسقان ۇلەسى ءۇشىن بەرىلەتىن كورەيا رەسپۋبليكاسىنىڭ مەملەكەتتىك ناگراداسى. وردەن التى سىنىپتان تۇرادى جانە كورەيا رەسپۋبليكاسى پرەزيدەنتىنىڭ جوعارى دارەجەلى شەتەلدىك ديپلوماتتارعا بەرىلەتىن ەڭ جوعارعى ماراپات.