ەلىمىزدە العاش رەت «قارجىلىق مونيتورينگ اگەنتتىگىنىڭ» ساياباعى اشىلدى. باستى ەرەكشەلىگى – 30 جەردە QR كود ورنالاستىرىلعان. ازاماتتار اتالعان كودتاردى سكانەرلەۋ ارقىلى ەلىمىزدە قارجىلىق پيراميدا رەتىندە تانىلعان ۇيىمداردىڭ تولىق ءتىزىمىن كورە الادى. بۇل تۋرالى تۇركىستان وبلىسىنىڭ وڭىرلىك كوممۋنيكاتسيالار قىزمەتىنەن ءمالىم بولدى, دەپ حابارلايدى Egemen.kz.
ءىس-شارا بارىسىندا ساياباقتىڭ سانىنە اينالار 100-دەن استام اعاش كوشەتتەرى وتىرعىزىلدى. اعاشتاردى ەلىمىزدىڭ 20 وبلىس-قالالارىنداعى ەكونوميكالىق تەرگەپ-تەكسەرۋ دەپارتامەنتتەرى جولداعان. سونىمەن قاتار قازاقستاننىڭ حالىق ءارتىسى ديماش قۇدايبەرگەننىڭ ارنايى جولداعان اعاش كوشەتى ەگىلدى.
سالتاناتتى جيىنعا وبلىس اكىمىنىڭ ورىنباسارى بەيسەن تاجىباەۆ, قالا اكىمى نۇربول تۇراشبەكوۆ, وبلىستىق ەكونوميكالىق تەرگەپ-تەكسەرۋ دەپارتامەنتىنىڭ باسشىسى ەربولات بالعاباەۆ جانە وبلىستىڭ بارلىق جاستار ورتالىقتارىنىڭ باسشىلارى ارنايى قاتىستى.
جاس ونەرپازدار اسەم اندەر ورىنداپ, مىڭ بۇرالا بي بيلەپ, شاراعا جينالعانداردىڭ ىقىلاسىنا بولەندى.
ايتا كەتسەك, وبلىستىق ەكونوميكالىق تەرگەپ-تەكسەرۋ دەپارتامەنتىنىڭ باستاماسىمەن جۇزەگە اسقان جوبا ازىرگە تۇركىستان قالاسىندا عانا بار.