قازاقستاندا كيىك ەتىن وتكىزەتىن ەت كومبيناتتارى اقمولا, قاراعاندى, قوستاناي وبلىستارىندا, سونداي-اق باتىس ءوڭىرى بويىنشا 3 پۋنكت ورالدا, قالعان بىرەۋى اتىراۋدا جۇمىس ىستەپ تۇر. بۇل تۋرالى سالاعا جاۋاپتى مينيسترلىك حابارلادى, دەپ جازادى Egemen.kz.
ەل بويىنشا كيىك ەتىن وتكىزەتىن 7 كاسىپورىن بار. قاۋىپسىزدىك ءبىرىنشى ورىندا بولعاندىقتان سويۋ ورىندارىنا ارنايى ۆەتەرينار ماماندار بەكىتىلگەن. ولار ءونىم ساپاسىن قاداعالايدى. قازىر ساتۋعا بايلانىستى مونيتورينگ جۇرگىزىلىپ جاتىر.
ال كيىك مۇيىزىنە قاتىستى بولەك الگوريتم بار. كەسىلگەن سوڭ, نومىرلەنەدى.
ايتا كەتكەن ءجون, تەك باتىس قازاقستان وبلىسى بويىنشا, اينالاسى ءبىر ايعا جۋىق ۋاقىتتىڭ ىشىندە 7 مىڭنان استام كيىك اۋلاندى.
«ەت وڭدەيتىن بەس كاسىپورىنعا بىرىنەن كەيىن ءبىرىن اكەلىپ جاتىر. بەسەۋىمەن دە كەلىسىمشارت جاسالعان ەدى. بىراق قازىر بەلگىلى ءبىر سەبەپتەرگە بايلانىستى بىرەۋىنە توقتاتىپ قويدىق. ءتيىستى تەكسەرۋ ءجۇرىپ جاتىر. قالعان تورتەۋىنە اپارىلىپ جاتىر. ءبارىنىڭ دە «وحوتزووپروممەن» كەلىسىمشارتتارى بار جانە تالاپتارعا ساي مال دارىگەرلەرى, ۆەتەرينارلىق لابوراتورياسى دا بار», دەيدى وبلىستىق ورمان شارۋاشىلىعى جانە جانۋارلار دۇنيەسىن قورعاۋ اۋماقتىق ينسپەكتسياسىنىڭ باسشىسى نۇرلان راقىمجانوۆ.