يسپانيانىڭ كوردوۆا قالاسىندا 16 جاسقا دەيىنگى جاسوسپىرىمدەر اراسىندا Billie Jean King Juniors Finals ءتۋرنيرىن قازاقستان قىزدار قۇراماسى جەڭىسپەن باستادى, دەپ حابارلايدى Egemen.kz.
مارات ءشارىپوۆتىڭ شاكىرتتەرى العاشقى كەزدەسۋىندە ارگەنتينا تەننيسشىلەرىن ۇتتى.
ءبىرىنشى بولىپ كورتقا شىققان وتانداسىمىز پولينا سلەپتسوۆا (224 ITF Juniors ranking) سول ءايليندى (117 ITF Juniors ranking) 7:6 (9:7), 6:3 ەسەبىمەن جەڭدى.
ەكىنشى ويىندا اناستاسيا كرىمكوۆا (576 ITF Juniors ranking) جوزەفينا ەستەۆيستەن (271 ITF Juniors ranking) 6:1, 3:6, 6:1 ەسەبىمەن ايلاسىن اسىردى.
جۇپتىق سىندا ىڭكار دۇيسەباي مەن اناستاسيا كرىمكوۆا قارسىلاستارىنا ەسە جىبەردى - 5:7, 6:4, 10:12. جالپى ەسەپتە 2:1 ۇپايىمەن ءبىزدىڭ جاسوسپىرىمدەر جەڭىسكە جەتتى.
كوماندالىق الەم چەمپيوناتىنىڭ «ۆ» توبىندا ۇلىبريتانيا مەن قازاقستان قۇرامالارى الدا كەلەدى. ۇلىبريتانيا وكىلدەرى ءبىرىنشى ويىندا برازيليا سپورتشىلارىن 3:0 ەسەبىمەن ۇتتى.
بۇگىن قازاقستان جاسوسپىرىمدەر قۇراماسى برازيليا تەننيسشىلەرىنە قارسى ويىن وتكىزەدى.