ءۇش كانديداتتان سايلاۋعا ءتۇستى

اۋداندارعا قارايتىن 113 ەلدى مەكەندەگى تۇرعىنداردىڭ جالپى سانى – 48 403. سونىڭ ىشىندە تىركەلگەن سايلاۋشىلار سانى 36 مىڭنان استام. وبلىستىق سايلاۋ كوميسسياسىنىڭ حابارلاۋىنشا, ءۇش اۋدانداعى بارلىق 84 سايلاۋ ۋچاسكەسىنىڭ ەسىگى ۋاقىتىندا اشىلىپ, سايلاۋشىلاردى قارسى الدى. ۋچاسكەلىك سايلاۋ كوميسسيالارىندا وسى كۇنى جۇمىس ىستەيتىن 440 مۇشە دە ورنىنان تابىلعان.

ءۇش اۋدان اكىمىنىڭ سايلاۋىنا العاشىندا 12 كانديدات ۇسىنىلعان. ءاربىر وكرۋگ بويىنشا ءتورت ۇمىتكەردەن كەلگەن. ولاردىڭ ۇشەۋى «Amanat», ۇشەۋى قازاقستاننىڭ حالىق پارتياسى ساياسي پارتيالاردان ۇسىنىلدى. الايدا ۇسىنىلعان 12 كانديداتتىڭ بىرەۋىنىڭ قۇجاتتارى مەملەكەتتىك قىزمەت تۋرالى زاڭ تالاپتارىنا ساي كەلمەدى, تاعى بىرەۋى قۇجاتتاردى تولىق تاپسىرماعاندىقتان تىركەلمەگەن. قالعان 10 كانديداتتىڭ ەكەۋى ءوز وتىنىشتەرىمەن كانديداتۋراسىن الىپ تاستادى. قورىتىندىسىندا, 8 كانديدات قانا قالىپ, ونىڭ ەكەۋى ەسىل اۋدانىندا, ال مامليۋت پەن تيميريازەۆ اۋداندارىندا ءۇش كانديداتتان سايلاۋعا ءتۇستى.

سولتۇستىك قازاقستان وبلىسى