رىباكينا جارىستى ەرتە اياقتادى

الەمنىڭ ۇزدىك سەگىز تەننيسشىسى قاتارىندا سىنعا تۇسكەن ە.رىبا­كينا سوڭعى كەزدەسۋىندە, بەلارۋس وكىلى ارينا سوبولەنكوعا 2:6, 6:3, 3:6 ەسەبىمەن جول بەردى.

جاڭبىرعا بايلانىستى كەيىنگە قالدى­رىلعان ماتچ 2,5 ساعاتتاي ۋاقىتقا سوزىلىپ, وندا ە.رىباكينا 5 ەيس جاساپ, 12 برەيك-پوينت­تىڭ ۇشەۋىن عانا پايدالاندى. ا.سوبو­لەنكونىڭ ەسەبىندە 6 ەيس, 5 برەيك (10 برەيك-پوينت) بار.

وسىلايشا, WTA قورىتىندى تۋرنيرىنە العاش رەت قاتىسقان جەرلەسىمىز ءوز توبىنان جارتىلاي فينالعا شىعا الماي, 3-ورىندا قالىپ قويدى.

اتالعان جارىستا ە.رىباكينا 400 مىڭ­داي دوللار كولەمىندە تابىس تاپتى.

ال جەرلەسىمىز ونەر كورسەتكەن توپتا كورتقا شىققان ەكىنشى جۇپ – الەمنىڭ 5-راكەتكاسى, امەريكالىق دجەسسيكا پەگۋلا دۇنيەجۇزىلىك رەيتينگتە 9-ورىندا تۇرعان گرەكيالىق ماريا ساككاريدى 6:3, 6:2 ەسەبىمەن ۇتتى.

بۇدان بۇرىن امەريكالىق سپورتشى ەلەنا رىباكينا مەن بەلارۋس وكىلى ارينا سوبو­لەنكونى جەڭگەن ەدى. ءسويتىپ, ول ءوز توبىنان 1-ورىنمەن جارتىلاي فينالعا جولداما الدى. ءۇش رەت جەڭىلىس تاپقان م.ساككاري وسى توپتا سوڭعى ورىنعا ءتۇستى.