ءبىر جەڭىس, ءبىر جەڭىلىس

كەزدەسۋ بارىسىندا ەلوردالىق ۇجىم العاشقى مينۋتتان بەلسەندى قيمىلىمەن كوزگە ءتۇستى. «اق بارىس» قاقپاسى ماڭىندا ءجيى بوي كورسەتتى. ناتيجەسىندە, نەبارى 1-مينۋتتا «بارىس» حوككەيشىسى پونتۋس وبەرگ ەسەپتى اشتى. ال ونىڭ كوماندالاس ارىپتەستەرى دجوزەف لابەيت 6-مينۋتتا ەسەپتى ۇستەمەلەي تۇسسە, داۆيد سكلەنيچكا 14-مينۋتتا مەرگەندىك تانىتتى.الايدا اقبارىستىقتار ۇمىتتەرىن ۇزبەي, كەرىسىنشە قالعان ۋاقىتتا وتە بەلسەندى وينادى. ءبىرىنشى كەزەڭنىڭ سوڭىنا تامان رەسەيلىك كلۋب ەسەپ ايىرماسىن قىسقارتتى. بۇل گولدى 16-مينۋتتا دميتري ياشكين ءوزىنىڭ ەنشىسىنە جازدى. ودان كەيىن دميتري يۋدين – 25, 42, دميتري ياشكين – 40, دميتري كاتەلەۆسكي 54-مينۋتتا شايبا سوعىپ كەتتى. وسىلايشا, «بارىس» قولدا تۇرعان جەڭىستەن ايىرىلىپ, قارسىلاسىنا 3:5 ەسەبىمەن ەسە جىبەردى. ەندى «بارىس» 7 قاراشادا ەلوردادا «اك بارس» كومانداسىنا قارسى تاعى ءبىر ويىن وتكىزەدى. ەسكە سالساق, 2 قاراشادا «بارىس» «اۆتو­موبيليست» كومانداسىنان بۋلليتتەن 3:2 ەسەبى­مەن باسىم تۇسكەن بولاتىن.