يسپانيانىڭ كوردوۆا قالاسىندا 16 جاسقا دەيىنگى جاسوسپىرىمدەر اراسىندا ءوتىپ جاتقان Davis Cup Juniors Finals تۋرنيرىندە قازاقستان قۇراماسى العاشقى جەڭىسىنە قول جەتكىزدى.
كوماندالىق الەم چەمپيوناتىندا سەرگەي كۆاكتىڭ شاكىرتتەرى وڭتۇستىك كورەيا كومانداسىمەن شەبەرلىك بايقاستى. وڭتۇستىككورەيالىق جاسوسپىرىمدەر ءبىر كۇن بۇرىن دەۆيس كۋبوگىنىڭ التى دۇركىن جەڭىمپازى يسپانيادان باسىم تۇسكەن ەدى. ونىڭ ۇستىنە جاستار قۇراماسى شىمكەنت قالاسىندا وتكەن الەم چەمپيوناتىنا ىرىكتەۋ كەزەڭىنىڭ جارتىلاي فينالىندا وڭتۇستىككورەيالىقتارعا ەسە جىبەرگەن.
ءبىرىنشى بولىپ زاڭعار نۇرلان ۇلى (331 ITF Juniors ranking) كيم مۋ بينمەن (285 ITF Juniors ranking) كورتقا شىقتى. ءۇش ساعاتقا جۋىق ۋاقىتقا سوزىلعان تارتىستى باسەكە كيم مۋدىڭ پايداسىنا اياقتالدى – 6:4, 4:6, 6:7 (3:7).
ەكىنشى ويىندا ءامىر ومارحانوۆ (99 ITF Juniors ranking) جاسوسپىرىمدەر اراسىندا الەمنىڭ 68-راكەتكاسى حۆان دون ءحيوندى اسا قينالماي جەڭدى – 6:2, 6:2.
شەشۋشى, جۇپتىق سىندا دامير جالعاسباي مەن ءامىر ومارحانوۆ 46 مينۋتتا كيم مۋ بين – چون يون سۋدان ايلاسىن اسىردى – 6:3, 6:2.
وسىلايشا, D توبىندا ءار كوماندانىڭ قورجىنىندا 3 ۇپايدان بار. سەيسەنبىدە يسپانيا يتاليادان باسىم ءتۇستى. كەشە قازاقستان قۇراماسى يسپانيامەن وينادى.