پرەمەر-مينيستر ءاليحان سمايىلوۆ ءماجىلىستىڭ جالپى وتىرىسىنىڭ كۋلۋارىندا قازا تاپقان كەنشىلەردىڭ وتباسىنان كەشىرىم سۇرادى, دەپ حابارلايدى Egemen.kz.
«كىنالى تۇلعالارعا كەلەتىن بولساق, قازىر سايكەس جۇمىستار جۇرگىزىلىپ جاتىر. بىلتىر دا 4 كەنشى قازا تاپتى. ول بويىنشا بارلىق تەرگەۋ اياقتالدى. جاقىن ارادا ماتەريالدار سوتقا بەرىلەدى. تامىز ايىندا اپات بولىپ, 5 كەنشى قازا تاپتى. قازىر تەرگەۋ جۇمىستارى جۇرگىزىلىپ جاتىر. سوڭعى بولعان اپات بويىنشا دا تەرگەۋ باستالدى. بارلىق كىنالى تۇلعالار جازاعا تارتىلادى. شەنەۋنىكتەرگە كەلەتىن بولساق, ولار دا تەرگەۋ اياسىندا بولادى. ءبىز ۇكىمەت رەتىندە بۇل تراگەديالارداعى كىنامىزدى تۇسىنەمىز. قازا تاپقان كەنشىلەردىڭ وتباسى مەن زارداپ شەككەندەرگە ءوزىم جانە ارىپتەستەرىمنىڭ اتىنان كەشىرىم سۇراعىم كەلەدى. ءبىز دە بولعان وقيعا ءۇشىن جاۋاپتىمىز. قازىرگى ءبىزدىڭ ماقساتىمىز-كومپانيانى قازاقستانعا قايتارىپ, ونىڭ تۇراقتى جۇمىسىن قاتماماسىز ەتۋ جانە جۇمىس ورىندارى مەن جالاقىنى ساقتاپ قالۋ. كەنشىلەردىڭ قازاسىنان كەيىن تۋىنداعان مىندەتتەردى دە ورىنداۋىمىز كەرەك», - دەدى سمايىلوۆ.
استانا ارناسىنىڭ جازۋىنشا, پرەمەر-مينيستر «ارسەلورميتتال تەمىرتاۋ» كومپانياسىنىڭ قازىرگى جاعدايىنا دا ءىشىنارا ۇكىمەت جاۋاپتى ەكەنىن ايتتى.
«ينۆەستوردىڭ ءوزىنىڭ مىندەتتەمەلەرىن ورىنداماۋى ءبىزدىڭ دە جاۋاپكەرشىلىگىمىزگە جاتادى. سوندىقتان كەنشىلەردىڭ وتباسىنان كەشىرىم سۇرايمىز, ءوز جاۋاپكەرشىلىگىمىزدى سەزىنەمىز», - دەدى ۇكىمەت باسشىسى.ەسكە سالساق, «كوستەنكو» شاحتاسىندا اپات بولىپ, 46 كەنشى قازا تاپتى.