استانا قالاسىنداعى ۇلتتىق اكادەميالىق كىتاپحانادا 3 قاراشا كۇنى ساعات 17:00-دە قازاقتىڭ تۇڭعىش بارد اقىنى اتانعان جۋرناليست, بارد-ءانشى تابىلدى دوسىموۆتى ەسكە الۋعا ارنالعان ادەبي-سازدى كەش وتەدى.
«تىرلىكتى مىناۋ, جانىم-اي, ماڭگىلىك دەمە, ۇيىقتاپ كەتسەم ءبىر كۇنى, ويانباي قالام...» دەپ جىرلاپ 46 جاسقا قاراعان شاعىندا ومىردەن وزعان تابىلدى دوسىموۆتان تىڭدارماندارىنىڭ اجىراپ قالعانىنا 13 جىلدىڭ ءجۇزى بولدى. 1986 جىلى جەلتوقسان وقيعاسىنا قاتىسقانى ءۇشىن قۋدالاۋعا ۇشىراپ, وقۋدان شىعارىلعان تابىلدى دوسىموۆ ءومىرىنىڭ اقىرعى كۇندەرىنە دەيىن اتىراۋ وبلىسى, يندەر اۋداندىق مادەنيەت جانە تىلدەردى دامىتۋ ءبولىمىن باسقاردى. قازاقتىڭ ساز الەمىندە بارد ورىنداۋشىلىقتىڭ وزىندىك مەكتەبىن قالىپتاستىرعان تابىلدى دوسىموۆتىڭ ەسىمى ەشقاشان ەلەۋسىز قالمايدى.