مىسىردا بولعان ءىرى جول اپاتى سالدارىنان 32 ادام قازا تاپتى, دەپ حابارلايدى Egemen.kz.
شەتەلدىك باق-تىڭ جازۋىنشا, تاعى 60-قا جۋىق ادام جاراقات الدى.
قىزىل تەڭىز جاعاسىندا ورنالاسقان كاير مەن الەكساندريانى بايلانىستىراتىن تاس جولدا بىرنەشە جەڭىل كولىك پەن جولاۋشىلار اۆتوبۋسى سوقتىعىستى.
جەرگىلىكتى پوليتسيا دەپارتامەنتىنىڭ مالىمەتىنشە, كولىكتەردىڭ بىرىنەن ماي اعىپ, سونىڭ سالدارىنان ۇلكەن سوقتىعىس بولعان. قالىڭ تۇماندا اۆتوبۋس جول جيەگىندە تۇرعان جۇك كولىگىنە سوعىلدى, كەيىن ولارعا تاعى بىرنەشە كولىك سوقتىعىستى.
وقيعا ورنىندا ءورت شىعىپ, سالدارىنان 7 كولىك تولىعىمەن جانىپ كەتكەن.