مادەنيەت جانە اقپارات مينيسترلىگى ۋاكىلەتتى مەملەكەتتىك ورگاندارمەن بىرلەسىپ, قاراعاندى وبلىسىنداعى ي.كوستەنكو اتىنداعى شاحتاداعى جاعدايعا بايلانىستى اۋقىمدى جانە ۋاقتىلى ءتۇسىندىرۋ جۇمىستارىن جۇرگىزىپ جاتىر, دەپ حابارلايدى Egemen.kz ۆەدومستۆونىڭ ءباسپاسوز قىزمەتىنە سىلتەمە جاساپ.
«بۇقارالىق اقپارات قۇرالدارى ارقىلى حالىق نازارىنا شۇعىل قۇتقارۋ جۇمىستارىن جۇرگىزۋ, سونداي-اق مەملەكەتتىك ورگاندار قابىلداعان بارلىق شارالار تۋرالى اقپارات دەر كەزىندە جەتكىزىلىپ وتىر. سونىمەن قاتار جۋىردا وڭىرلىك كوممۋنيكاتسيالار قىزمەتىنىڭ الاڭىندا ۋاكىلەتتى مەملەكەتتىك ورگاندار مەن ءتيىستى قىزمەتكەرلەردىڭ قاتىسۋىمەن باق وكىلدەرىنە ارنالعان بريفينگ وتەدى», دەلىنگەن حابارلامادا.