قازاقستاندا مۋزەي قىزمەتكەرلەرىنىڭ ورتاشا جالاقىسى قانشا؟ بۇل سۇراققا ۇلتتىق مۋزەي ديرەكتورىنىڭ عىلىمي جۇمىستار جونىندەگى ورىنباسارى اقمارال يبراەۆا جاۋاپ بەردى, دەپ حابارلايدى Egemen.kz.
ايتا كەتسەك, بۇگىن ەلوردادا مۋزەي قىزمەتكەرلەرىنىڭ ءى كونگرەسى ءوتىپ جاتىر.
«قازاقستاندا 270-تەن استام مۋزەي بار. بۇل سالادا شەشىمىن تابا الماي جاتقان وزەكتى ءبىر ماسەلە بار - كادر جەتىسپەۋشىلىگى. قازىر مۋزەي ءىسىن تۇسىنەتىن, تاريحي, مادەني ەسكەرتكىشتەر مەن مۇرالاردى اجىرا الاتىن مامان تاپشى. مۋزەي قىزمەتكەرلەرىنىڭ ورتاشا جالاقىسى 200 مىڭ تەڭگە», دەدى اقمارال يبراەۆا.
ونىڭ ايتۋىنشا, مۋزەي ماماندارى تاپشى بولسا دا, بۇل سالا جىل سايىن دامىپ كەلەدى. مەملەكەت تە مۋزەي ىسىنە قولداۋ كورسەتىپ وتىر.
«بۇرىنعىعا قاراعاندا قازىر جاستاردىڭ قىزىعۋشىلىعى ارتىپ كەلەدى. ماسەلەن, ءبىزدىڭ مۋزەيدە 20-دان استام جاس مامان جۇمىس ىستەيدى», دەپ قوستى ول.