بۇگىن, 26 قازاندا جامبىل وبلىسى اۋماعىندا, الماتىدان باتىسقا قاراي 482 شاقىرىم جەردە جەر سىلكىنىسى تىركەلدى, دەپ حابارلايدى Egemen.kz.
جەر سىلكىنىسى شامامەن 5 شاقىرىم تەرەڭدىكتە ايشا-ءبيبى اۋىلىنا جاقىن جەردە بولعان.
«ستاە» ۇسىنعان اقپاراتقا سايكەس, سەيسميكالىق ستانتسيالار جەلىسى 26 قازاندا استانا ۋاقىتى بويىنشا ساعات 11:38-دە جەراستى دۇمپۋلەرىن تىركەدى.
«جەر سىلكىنىسىنىڭ ەپيتسەنترى الماتىدان باتىسقا قاراي 482 شاقىرىم جەردە قازاقستان اۋماعىندا ورنالاسقان. جەر سىلكىنىسىنىڭ ەنەرگەتيكالىق كلاسى – 9,6, ماگنيتۋداسى – 4,5», دەلىنگەن تجم حابارلاماسىندا.سەيسمولوگتار جەر سىلكىنىسى ەلىمىزدە سەزىلمەگەنىن حابارلادى. بىراق تاراز قالاسىنىڭ تۇرعىندارى جەراستى دۇمپۋلەرى سەزىلگەنىن ايتىپ وتىر.