مەملەكەت باسشىسىنىڭ وكىمدەرىمەن عالىمجان مامبەت ۇلى قويگەلديەۆ قازاقستان رەسپۋبليكاسى باس پروكۋرورىنىڭ ورىنباسارى لاۋازىمىنا, نۇرداۋلەت مىقتىبەك ۇلى سۇيىندىكوۆ قازاقستان رەسپۋبليكاسى باس پروكۋراتۋراسىنىڭ اكتيۆتەردى قايتارۋ جونىندەگى كوميتەتىنىڭ توراعاسى لاۋازىمىنا تاعايىندالدى, دەپ حابارلايدى Egemen.kz اقوردانىڭ ءباسپاسوز قىزمەتىنە سىلتەمە جاساپ.
عالىمجان قويگەلديەۆ بۇعان دەيىن باس پروكۋروردىڭ اپپارات باسشىسى لاۋازىمىن اتقارسا, نۇرداۋلەت سۇيىندىكوۆ وسى جىلدىڭ قاڭتار ايىندا باس پروكۋروردىڭ بۇيرىعىمەن حالىقارالىق-قۇقىقتىق ىنتىماقتاستىق قىزمەتىنىڭ باستىعى لاۋازىمىنا تاعايىندالعان بولاتىن.