جاقىندا الەۋمەتتىك جەلىلەردە پرەزيدەنت قاسىم-جومارت توقاەۆ ەل ازاماتتارىن يلون ماسك جاساعان ينۆەستيتسيالىق پلاتفورماعا ينۆەستيتسيا سالۋعا شاقىرعان ۆيدەوسى تارادى. بۇل جالعان اقپارات, دەپ حابارلايدى Egemen.kz stopfake.kz سايتىنا سىلتەمە جاساپ.
پورتال ساراپشىلارى بەينەنى ونلاين-دەپفاكت دەتەكتورى ارقىلى تەكسەرىپ, بەينەنىڭ نەيروندىق جەلى ارقىلى جاسالعانىن انىقتادى.
باق-تا يلون ماسك پەن قازاقستان رەسپۋبليكاسىنىڭ ۇكىمەتى قانداي دا ءبىر ينۆەستيتسيالىق پلاتفورمانى بىرلەسىپ ازىرلەگەنى تۋرالى اقپارات جوق. مۇنداي حابارلامالار قازاقستان رەسپۋبليكاسى پرەزيدەنتىنىڭ رەسمي سايتىندا جاريالانباعان.
ينتەرنەتتە يلون ماسكتىڭ ينۆەستيتسيالىق پلاتفورماسى تۋرالى كوپتەگەن جاريالانىمدار بار. يلون ماسك ءپاسسيۆتى كىرىس ءۇشىن ەشقانداي پلاتفورما قۇرعان جوق. ال مۇنداي ستارتاپتارعا اقشا سالۋعا شاقىرۋ كيبەرالاياقتاردىڭ جۇمىسى ەكەنى بەلگىلى.
«جەلىدە جەلدەي ەسىپ جۇرگەن حابارعا سەنۋدىڭ قاجەتى جوق. قازاقستان رەسپۋبليكاسى پرەزيدەنتىنىڭ قاتىسۋىمەن تۇسىرىلگەن ۆيدەو فەيك جانە يلون ماسكتىڭ ەشقانداي ينۆەستيتسيالىق پلاتفورماسى جوق», دەپ حابارلادى پورتال.