الاش مۇراسىن دارىپتەدى

بيىل شاكارىم قۇداي­بەر­دى­ ۇلىنىڭ تۋعانىنا – 165, حا­لەل دوسمۇحامەد ۇلىنىڭ تۋعا­نى­نا – 140, سونداي-اق ماعجان جۇماباي مەن سۇلتانماح­مۇت تورايعىر ۇلىنىڭ تۋعانى­نا 130 جىل تولدى. ەلىمىزدە اتال­عان تۇلعالاردىڭ مەرەي­تويلارى دا شاما-شارقىنشا اتا­لىپ ءوتىلدى. وسى ءىس-شاراعا وراي­­لاس­تىرىلعان سايىستىڭ ماقساتى – ەل تاۋەلسىزدىگى جولىندا كۇ­رەس­كەن الاش قايراتكەرلەرىنىڭ اعارتۋشىلىق باعىتتاعى ەڭ­بەك­تەرىن ناسيحاتتاپ, جاس ۇرپاق­تىڭ بويىنا وتانسۇيگىشتىك پەن ۇلتتىق قۇندىلىقتاردى قۇر­مەت­تەۋ, انا ءتىلىمىزدى ارداقتاۋ سەكىلدى اسىل قاسيەتتەردى ءسىڭىرۋدى كوزدەگەن.

زياتكەرلىك سايىسقا كىندىك قالانىڭ 18 ورتا مەكتەبىنەن بىلىممەن بەس قارۋىن سايلاپ كەلگەن وقۋشىلار قاتىستى. ولار الدىمەن «ۇلتقا قىزمەت – ءار قازاق بالاسىنا مىندەت» اتتى ساح­نالىق قويىلىم كورسەتتى. ودان كەيىن «الاش ارىستارىنا حات» دەپ اتالاتىن ەكىنشى كەزەڭدە مونولوگ وقىدى. وقۋشىلار الاش ارداقتىلارىنا ارناپ جازعان حاتتارىندا ازات ەلدىڭ بۇگىنگى ۇرپاعى رەتىندە ءوز ۇستانىمدارى مەن ۇسىنىسىن جەتكىزۋگە تىرىستى.

سايىس قورىتىندىسىندا ءا.بو­كەيحان اتىنداعى №76 مەك­تەپ-گيمنازياسىنىڭ ء«اليحان مۇراگەرلەرى» توبى باس جۇل­دەنى جەڭىپ السا, ءبىرىنشى ورىندى ى.التىنسارين اتىنداعى Binom school مەكتەپ-ليتسە­يىنىڭ «الاش ءىزباسارلارى» تو­بى يەلەندى. ەكىنشى ورىنعا ا.باي­تۇرسىن ۇلى اتىنداعى Binom school مەكتەپ-ليتسەيى مەن ءى.جان­سۇگىروۆ اتىنداعى №58 مەكتەپ-گيمنازياسى وقۋشىلا­رى قول جەتكىزدى. ءۇشىنشى ورىندى №38 مەكتەپ-ليتسەيى, №2 «دا­رىن» مامانداندىرىلعان مەك­تەپ-ليتسەيى جانە №8 مەك­تەپ-ليتسە­يىنىڭ وقۋشىلارى ءوز­ارا ءبولىستى. اباي قۇنانباي­ ۇلى اتىنداعى №87 مەكتەپ-گيم­نازياسىنىڭ وقۋشىلارى «كو­رەر­مەن كوز­ايىمى» سىيلىعىنا يە بولدى.

ءىس-شارا سوڭىندا قازىلار القاسىنىڭ توراعاسى, ل.ن.گۋمي­لەۆ اتىنداعى ەۋرازيا ۇلتتىق ۋني­ۆەرسيتەتىنىڭ قازاق ادەبيە­تى كافەدراسىنىڭ مەڭگەرۋشىسى – قايىربەك كەمەڭگەر رەس­پۋب­ليكا كۇنى قارساڭىندا ءوتىپ وتىر­عان شىعارماشىلىق سايىس­تىڭ رامىزدىك ءمانى ەرەكشە ەكەنىن ايتىپ, جەڭىمپازداردى العىس حاتپەن ماراپاتتادى.