قازاقستان جاستارى الەمدىك وليمپيادالاردا توپ جارىپ ءجۇر. بۇل – مەملەكەتتىڭ ءبىلىم-عىلىم سالاسىن دامىتۋعا ەرەكشە كوڭىل بولەتىنىنىڭ كورىنىسى.
قازاقستان ۋنيۆەرسيتەتتەرى باعدارلامالاۋ بويىنشا ستۋدەنتتەردىڭ حالىقارالىق وليمپياداسىنا (International Collegiate Programming Contest – ICPC) 25 جىل بويى قاتىسىپ كەلەدى. الەمدىك دەڭگەيدەگى كوماندالارىڭىز ۇنەمى وليمپيادانىڭ فينالىنا وتەدى. ايتپاقشى, كەلەسى ايدا قازاق ەلىنەن 17 كوماندا 2023 جىلعى ICPC وليمپياداسىنىڭ الەمدىك فينالىنداعى قوس چەمپيوناتتا باق سىنايدى. جارىس شارم-ەل-شەيح قالاسىندا وتەدى. بۇل – ءبىر ەلدەن قاتىساتىن كوماندالار سانى بويىنشا رەكوردتىق كورسەتكىش. وسىدان-اق قازاق حالقىنىڭ دارىندى ەكەنىن اڭعارۋعا بولادى.
مەن وسى ەلدىڭ تسيفرلىق دامۋ ءمينيسترى باعدات مۋسين مىرزامەن سويلەستىم. 2024 جىلى استانادا ICPC وليمپياداسىنىڭ الەمدىك فينالىن وتكىزەمىز دەپ شەشتىك. بۇل يدەيانى كوپشىلىك قولدايدى دەپ ويلايمىز. قازاقستانعا كەلىپ, بۇل جاقتا كوپ دۇنيە جاسالىپ جاتقانىن كوردىك. بۇل جەردى ناعىز تەحاسقا بالادىم. ويتكەنى ەكى جاقتا دا مال ءوسىرۋ مادەنيەتى قالىپتاسقان. قاجەتتىلىكتەرى دە دە ۇقساس ەكەن. الداعى ۋاقىتتا قازاقستان IT عىلىمنىڭ شىڭىنا شىعىپ, ناعىز تسيفرلىق ەلگە اينالادى دەپ سەنەمىز.
ۋيليام پاۋچەر,
ICPC قورىنىڭ اتقارۋشى ديرەكتورى