ء«دىن ماسەلەلەرى بويىنشا بىلىكتى ماماندار دايارلاۋ» جوباسى اياسىندا قىزىلوردا وبلىسىندا اقپاراتتىق-ءتۇسىندىرۋ توپتارىنىڭ مۇشەلەرىنە ارنالعان وقىتۋ سەمينارلارى مەن ترەنينگتەرى ىسكە اسىرىلدى, دەپ حابارلايدى Egemen.kz.
وسى جىلدىڭ 5-6 قازانىندا قىزىلوردا قالاسىنداعى ءا.تاجىباەۆ اتىنداعى قىزىلوردا وبلىستىق امبەباپ عىلىمي كىتاپحاناسىنىڭ زالىندا ءدىن ماسەلەرى بويىنشا بىلىكتى مامانداردى دايىنداۋعا باعىتتالعان ءىس-شارا ءوتتى. وعان ء«دىن زەرتتەۋ ورتالىعىنىڭ», «اقنيەت» قق, مەشىتتەردىڭ جانە ت.ب ماماندارى, يمامدارى, پسيحولوگتارى مەن تەولوگتارى قاتىستى. جيىندا ءدىن ماسەلەلەرى بويىنشا ءتۇسىندىرۋ توبىنىڭ مۇشەلەرى – ءدىنتانۋشى, تەولوگ وسپانوۆ دالەلحان, الەۋمەتتانۋ عىلىمدارىنىڭ كانديداتى جاقيانوۆ تالعات جاردەمقۇل ۇلى, پسيحولوگيا مامانى شاكيموۆا لولا سەرگەەۆنا, ءدىنتانۋ كافەدراسىنىڭ دوتسەنتى, PhD ابىلوۆ تۇڭعىش تالعات ۇلى سەمينار وقىدى.
شاكيموۆا لولا سەرگەەۆنا «پريمەنەنيە وسنوۆ پروفايلينگا دليا ۆىياۆلەنيا گرۋپپى ريسكا ۆ مولودەجنوي سرەدە» تاقىرىبىمەن قاتىسۋشىلارعا جاستار اراسىنداعى تاۋەكەل توپتارىن انىقتاۋ ءۇشىن پروفايلينگ تەحنيكاسىن, ياعني, قىلمىس جاساۋعا دايىن تۇرعان تۇلعانىڭ سىرتقى كەلبەتىنە, ميميكاسىنا, ءجۇرىس-تۇرىسىنا قاراپ قالاي انىقتاۋعا بولاتىنىن ءتۇسىندىردى. سونداي-اق, «مەتودى يزۋچەنيا ليچنوستي, پريمەنياەمىە ۆ پسيحوكوررەكتسيوننوي رابوتە س ادەپتامي درت» تاقىرىبىندا قاتىسۋشىلارعا پسيحوكوررەكتسيالىق جۇمىستا قولدانىلاتىن تۇلعانى زەرتتەۋ ادىستەرىن ۇيرەتتى.
جاقيانوۆ تالعات جاردەمقۇل ۇلى «زايىرلىلىق قوعامدىق كەلىسىم مەن تۇراقتىلىتىڭ نەگىزى رەتىندە» تاقىرىبىندا جالپى تەوريالىق اقپارات بەرىپ, قاتىسۋشىلارمەن جۇمىس جاسادى. سونداي-اق, «قازاقستانداعى ءدىني احۋال: نەگىزگى ماسەلەلەر مەن تەنديتسيالار» تاقىرىبىمەن قازاقستانداعى ءدىني جاعدايلاردى تۇسىندىرە وتىرا, وعان قاتىستى كۇردەلى سۇراقتارعا جاۋاپ بەرۋ ادىستەرىن ۇيرەتتى.
وسپانوۆ دالەلحان «يسلام الەمىندەگى الاۋىزدىقتىڭ سەبەپتەرى مەن شەشۋ جولدارى» تاقىرىبى اياسىندا قاتىسۋشىلارعايسلام دىنىندەگى كۇردەلى پروبلەمالار مەن اسقىنىپ تۇرعان ماسەلەلەردى تۇسىندىرە وتىرا, يسلام الەمىنىڭ بىرلىگى جولىندا تۇرعان نەگىزگى كەدەرگىلەر جانە ونىمەن كۇرەس جولى جايىندا ايتا كەتتى. ونىڭ ۇستىنە, «وڭالتۋ جۇمىستارىن ءتيىمدى جۇرگىزۋ جولدارى» تاقىرىبىمەن ماماندارعا جۇمىس بارىسىنداجاعدايدىڭ كۇردەلەنۋىنە جول بەرمەۋ تاسىلدەرى مەن وڭالتۋ قاعيدالارى تۋرالى ءسوز قوزعادى.
ابىلوۆ تۇڭعىش تالعات ۇلى «دىندارلىق الەۋمەتتىك-پسيحولوگيالىق فەنومەن رەتىندە» تاقىرىبىندا كەزدەسىپ, ءدىني سانانىڭ ەرەكشەلىكتەرىن, دىندارلىقتىڭ قۇرىلىمىن, جەكە تۇلعانىڭ جانە قوعامنىڭ ءدىني دامۋ ايىرماشىلىقتارىن ءتۇسىندىردى. كەلەسى كەزەكتە, «قازاقستانداعى تاڭىرشىلدىك: تاريحى جانە قازىرگى جاعدايى» تاقىرىبىندا سەمينار وقىپ, جالپى تۇرىك حالقىنىڭ ءدىني-نانىم ۇستانىمى جانە ونىڭ تاريحى, تاڭىرشىلدىك ءىلىمىنىڭ جاعدايى تۋرالى ايتتى.
سونىمەن قاتار, سەمينارلار مەن ترەنينگتەر بارىسىندا قاتىسۋشىلار تاراپىنان دارىسكەرلەرگە سۇراقتار قويىلىپ, تۇجىرىمدى جاۋاپتار الىندى.