پرەمەر-ءمينيستردىڭ ورىنباسارى ەرۇلان جاماۋباەۆتىڭ توراعالىعىمەن ورتالىق مەملەكەتتىك ورگان جانە وڭىرلەردەگى اتقارۋشى ورگان وكىلدەرىنىڭ قاتىسۋىمەن كەڭەس ءوتتى.
جيىنعا قاتىسۋشىلار ءۇش جىلدىق كەزەڭگە ارنالعان رەسپۋبليكالىق بيۋدجەت تۋرالى زاڭ جوباسى بويىنشا دەپۋتاتتاردىڭ ۇسىنعان تۇزەتۋلەرىن تالقىلادى.
كەڭەس بارىسىندا بيۋدجەتتىك باعدارلامالار اكىمشىلەرى مەن جەرگىلىكتى اتقارۋشى ورگاندارعا ۇكىمەتپەن كەلىسىلگەن ۇستانىمداردى دەپۋتاتتىق كورپۋسپەن پىسىقتاۋ تاپسىرىلدى.
ەستەرىڭىزگە سالا كەتەيىك, قازىر پارلامەنت ماجىلىسىندە «2024-2026 جىلدارعا ارنالعان رەسپۋبليكالىق بيۋدجەت تۋرالى» زاڭ جوباسى تالقىلانىپ جاتىر. تالقىلاۋ قورىتىندىسى بويىنشا سالىستىرمالى كەستە قۇرىلىپ, كۇن سايىن دەپۋتاتتاردان ۇسىنىستار تۇسۋىنە قاراي جاڭارتىلىپ وتىرادى.