ەل تەاترلارىنىڭ ەرەكشە تويى

ونىڭ اشىلۋ سالتاناتىندا وبلىس اكىمى عاۋەز نۇرمۇحامبەتوۆ قۇت­تىق­تاۋ ءسوز سويلەپ, ونەر وردالارى­نىڭ قىزىل­جار توپىراعىنا قادام باس­قاندارى­نا ريزاشىلىعىن ءبىل­دىرىپ, فەستيۆال­دە ونەردىڭ ناعىز مايتالماندارىنىڭ جەڭىسكە قول جەت­كىزۋىنە تىلەكتەستىك ءبىل­دىردى. سونىمەن قاتار ول وزدەرىنىڭ ءۇش تەاترىنىڭ حالىقارالىق ساحنالاردا­عى جە­ڭىستەرىن ەلگە تانىستىرىپ ءوتتى. ارا­لارىنان سامال ەسلاموۆا سياقتى كانن فەستي­ۆالىنىڭ جەڭىمپازى شىققانىن دا اكىم اۋىز تولتىرىپ ايتتى. سوسىن قازىلار القاسىنىڭ توراعاسى, قازاق كينو جانە تەاتر ونەرىنىڭ مەترى, كسرو مەن قازاقستان مەملەكەتتىك سىي­لىق­تارىنىڭ لاۋرەاتى, ەڭبەك ەرى ءاسانالى ءاشىموۆتى ساحنا تورىنە شاقىردى.

جاڭادان سالىنعان قازاق تەاترى­نىڭ عيماراتىندا ينە شانشار ورىن بولمادى. حاس ونەرگە شولىركەگەن سول­تۇستىكقازاقستاندىقتار بۇگىنگى كەش­كە تايلى-تاياعىمەن تەگىس كەلگەن­دەي. جينالعان حالىق ساح­ناعا كوتەرىلگەن ايگىلى ءارتىستى تۇرە­گەلىپ, قول سوعىپ قارسى الدى. اكىم ونەر ءدۇلد ۇلىنىڭ ارقاسىنا قىزىلجار حال­قىنىڭ اتىنان شاپان جاپتى. «فەس­تيۆال – ونەر سۇيەر قاۋىمعا جاسالىپ وتىرعان سىيلىق. وسىنداي فەس­تيۆالدەردە ونەرپازدار دا ءوزىن وزگەمەن سالىستىرىپ, جاقسىسىن بويىنا ءسىڭىرىپ, ونەرلەرىن ۇشتاي تۇسەدى. مەن سولتۇستىكقازاقستاندىقتاردىڭ ىس­­­تىق ىقىلاسىنا ريزا بولىپ تۇرمىن. بۇل وڭىردەن ادەبيەت پەن ونەردىڭ تالاي مايتالماندارى شىققان. حالىق ءالى دە ونەرگە قۇشتار ەكەنى كورىنىپ تۇر», دەدى اسەكەڭ.

قازاننىڭ 9-ى مەن 15-ءسى ارالىعىندا وتە­تىن فەستيۆالدە ەلىمىزدىڭ تەاتر­لا­رى­­نىڭ 10 سپەكتاكلى كورسەتىلەتىن بو­لا­دى. ولار س.مۇقانوۆ اتىنداعى قا­زاق-ساز­دى دراما تەاترىندا جانە ن.پو­گودين اتىن­داعى ورىس دراما تەاترى­نىڭ ساحنالارىن­دا قويىلادى. ولار­دىڭ ارا­سىندا م.اۋەزوۆتىڭ «قورعان­سىزدىڭ كۇنى» اڭگىمەسى­نىڭ جەلىسىن­دە گ.مير­عاليەۆا قويعان وسى اتتاس سپەكتاكل, ە.حەمەن­­گۋەيدىڭ د.جۇماباي ساح­نالاعان «شال مەن تەڭىز» سپەكتاكلى بار.

العاشقى كۇنى ا.ءنۇسىپتىڭ «ماع­جان» اتتى دراماسى قويىلدى. بۇل سپەكتاكلدى ساحنالاۋعا يتاليا ونەر­­پازدارى دا قا­تىسقان. ول قازاق دالا­سىنداعى اشتىق جىلدارىنىڭ زۇل­ماتىن كورسەتكەن.

قىزىلجار ساحناسىندا قويىلا­تىن سپەكتاكلدەردى الماتى, استانا, تۇركىس­تان, اقتاۋ, تالدىقورعان, جەز­قازعان, قاراعاندى, پاۆلودار تەاتر­لارى ازىرلەگەن. سوڭعى فەستيۆال پەت­رو­پاۆلدا 21 جىل بۇرىن بولعان ەدى. بىل­تىر ول استانا قالاسىندا بولىپ, وعان 21 ونەر ۇجىمى قاتىستى. جالپى, قازاقستان تەاترلارىنىڭ فەستيۆالدەرى 1992 جىلدان بەرى وتكىزىلىپ كەلەدى.