ءوڭىر ديقاندارى اۋا رايىنىڭ قولايسىزدىعىنا قاراماي وراق ناۋقانىن اياقتاۋعا جاقىن. بيىل وبلىس القاپتارىنا بارلىعى 3,4 ملن گەكتار ءداندى جانە ءداندى-بۇرشاق داقىلدارى, 658,8 مىڭ گەكتار جەرگە مايلى, 367,4 مىڭ گەكتارعا جەمشوپ, 28 مىڭ گەكتارعا كارتوپ, 5,5 مىڭ گەكتارعا كوكونىس داقىلدارى ەگىلگەن ەدى.
جۋىردا وبلىس اكىمى عاۋەز نۇرمۇحامبەتوۆتىڭ قاتىسۋىمەن وتكەن وراق ناۋقانىن تالقىلاعان وتىرىستا بارلىق استىقتىڭ 6,8 پايىزى عانا جينالماي تۇرعانى تۋرالى اقپار بەرىلدى.
تامىز ايىنىڭ باسىنان وبلىس ديقاندارى وراق ناۋقانىنا قاۋىرت كىرىسىپ, ۇزدىكسىز جاۋعان جاۋىنعا دەيىن 900 مىڭ گەكتار جەردىڭ استىعىن ورىپ, 1 ملن تونناداي ءدان العان. سودان كەيىن تولاسسىز جاۋعان جاڭبىر ديقاننىڭ قولىن بايلادى. وبلىس اكىمىنىڭ ءبىرىنشى ورىنباسارى مارات تاسماعامبەتوۆتىڭ ايتۋىنا قاراعاندا, تامىزدىڭ ەكىنشى جارتىسىنان باستاپ ۇزىلمەگەن جاڭبىر 50 مم-گە دەيىن القاپتاردى سۋلاپ, قالىپتى نورمادان 8 پايىزعا اسىپ كەتكەن. ال قىركۇيەكتە جاۋعان جاۋىن 54,2 مم جەتىپ, نورما بويىنشا تۇسۋگە ءتيىستى 28 مم-دەن ەكى ەسەگە جاقىن اسىپ كەتكەن. ارينە, مۇنداي جاعدايدا سولتۇستىكتىڭ ەزىلىپ كەتەتىن قارا توپىراقتى القاپتارىنا كومباين كىرە المايدى. سوندىقتان ورىلعان استىق كوپ جەرلەردە ءوسىپ كەتىپ, ءداننىڭ ساپاسىن بارىنشا تومەندەتىپ جىبەردى.
سوعان قاراماي, اراگىدىك اشىق بولعان 4-5 كۇندى ءتيىمدى پايدالانعان ديقاندار كۇندىز-ءتۇنى جۇمىس ىستەپ, استىقتىڭ نەگىزگى بولىگىن جيناپ الدى. مارات تاسماعانبەتوۆتىڭ سوزىنشە, ءداندى داقىلدار مەن ءداندى بۇرشاق داقىلدارى ەگىلگەن القاپتاردىڭ 93,2%-ىن, ياعني 3 ملن 174,9 مىڭ گەكتارىنا جينالعان. جينالعان بارلىق استىقتىڭ كولەمى 3,4 ملن توننا بولىپ وتىر, ال گەكتار بەرەكەلىگى 10,8 تسەنتنەردەن اينالعان.
الايدا بۇل جالپى ناۋقانىنىڭ تولىق اياقتالۋىنا جاقىن قالدى دەگەندى بىلدىرمەسە كەرەك. ويتكەنى مايلى داقىلداردىڭ تەك 30,5%-ى عانا جينالعان, 147,7 مىڭ توننا عانا ءونىم الىندى. گەكتار بەرەكەلىگى دە جىلداعىدان تومەن, 7,1 تسەنتنەردەن اينالۋدا. حالىق اراسىندا «ەكىنشى نان» اتانعان كارتوپتىڭ دا جينالماعان 23,2 مىڭ گەكتارى بار. بۇل – بارلىق القاپتىڭ 17,4 پايىزى. كوكونىستەر دە تولىق جينالىپ بولعان جوق, تەك 79,5%-ى جينالدى. سينوپتيكتەردىڭ بولجاۋىنا قاراعاندا الداعى كۇندەردە اۋا رايى ءبىرشاما اشىق بولادى. وسى كۇندەردە قالعان ەگىس تەگىس جينالار دەگەن ءۇمىت بار.
مەملەكەت تاراپىنان شارۋالارعا قۋاتتى قولداۋ كورسەتىلدى. وبلىس ەڭبەككەرلەرى ءار ءليترى 250 تەڭگەدەن 58,9 مىڭ توننا ارزانداتىلعان ديزەلدىك وتىن الدى. استىق قابىلداۋ كاسىپورىندارى تۇسكەن استىقتى بوگەلىسسىز قابىلداپ جاتىر. ولار جالپى كولەمى 6,9 ملن توننا استىق قابىلداي الاتىنداي مۇمكىندىكتە. ليتسەنزياسى بار استىق قابىلداۋ بەكەتتەرى بۇگىنگى تاڭدا 780 مىڭ توننا استىق قابىلدادى. سونىڭ 620 تونناسى – بيداي, 88,1 تونناسى – ارپا, قالعانى باسقا داقىلدار. ءۇشىنشى كلاستى استىقتىڭ ۇلەسى – 58 پايىز. وبلىستا ىلعالدى استىقتى قۇرعاتىپ, ءۇشىنشى كلاستى ساپاعا جەتكىزەتىن تاۋلىكتىك قۋاتى 233 مىڭ توننا بولاتىن 317 استىق قۇرعاتۋ ورىندارى بار. ولارعا دا جەڭىلدەتىلگەن باعامەن ۇكىمەت 19,7 مىڭ توننا ديزەلدى وتىن بوساتتى.
«ازىق-ت ۇلىك كورپوراتسياسى» اق ءداننىڭ ساتىپ الۋ باعاسىن ءالى بەكىتكەن جوق. 2024 جىلدىڭ ەسەبىنە 326 مىڭ توننا تۇقىم قورلاندى. بۇل – قاجەتتى كولەمنىڭ 68,6%-ى تۇقىمنىڭ سۇرىپتىق جانە ەگۋ ساپاسىن انىقتاۋ ءۇشىن وبلىستىق بيۋدجەتتەن 70 ملن تەڭگە ءبولىندى. قازىر بارلىق اۋدانداردا وسى جۇمىستاردى اتقاراتىن زەرتحانالار بار. الداعى جىلدىڭ ەگىس ناۋقانى دا نازاردان تىس قالماعان. وبلىس ديقاندارى بۇگىنگە دەيىن 1,4 ملن گەكتار سۇدىگەر جىرتقان.
وتىرىستا وبلىس اكىمى عاۋەز نۇرمۇحامەتوۆ شارۋالاردىڭ ءار اشىق كۇندى ءتيىمدى پايدالانۋىن قامتاماسىز ەتۋ كەرەكتىگىن اتاپ ءوتتى. سونىمەن بىرگە ول اۋىل شارۋاشىلىعى باسقارماسى مەن اۋدان اكىمدەرىنە استىقتى تاۋلىك بويى قابىلداۋدى ۇيىمداستىرۋىن تاپسىردى. «اۋىل شارۋاشىلىعى قۇرىلىمدارىندا وسى زامانعى جابدىقتالعان استىق ساقتاۋ ورىندارى بار-جوعىنا ساراپ جاساۋ كەرەك. استىقتىڭ قويمالار مەن ەلەۆاتورلاردا ب ۇلىنبەي ساقتالۋىن قامتاماسىز ەتۋدى قاداعالاڭىزدار», دەدى. سونىمەن قاتار ع.نۇرمۇحامبەتوۆ اكىمدەرگە سەرىكتەستىكتەر مەن قوجالىقتار جۇمىسشىلارىن ەڭبەك جاعدايىن, قاۋىپسىزدىك شارالارىن, ەڭبەكاقىنى ۋاقتىلى تولەۋىن باقىلاۋدى تاپسىردى.
سولتۇستىك قازاقستان وبلىسى