باتاگويلەر بايقاۋى

ۇلىتاۋ وبلىسىنىڭ مəدەنيەت, تىلدەردى دامىتۋ جəنە ارحيۆ ءىسى باسقارماسىنىڭ باسشىسى ءانۋار ومار قۇتتىقتاۋ سوزىندە حالقىمىزدىڭ باتا بەرۋ سالتىنىڭ قادىر-قاسيەتىنە توقتالدى.

– «باتامەنەن ەل كوگەرەرى», «باتالى ەر ارىماس» سياقتى ءبىر باتاعا عانا وراي ونداعان, جۇزدەگەن باعا بەرگەن ۇلتىمىز ءسوزدىڭ قۇدىرە­تىن كەرەمەت ۇعىنعانى, بىلگەنى تاڭداندىرماي قويمايدى, دەپ سايىسقا قاتىسۋشىلارعا ساتتى­لىك تىلەدى.

ءاربىر قاتىسۋشى ەكى تاقىرىپتى قامتىعان باتا مەن وسيەت تىلەگىن ورتاعا سالدى. جەرگىلىكتى ونەرپازداردىڭ ءان-كۇيلەرى مەن بيلەرى شارانىڭ شىرايىن ودان ءارى اشا ءتۇستى.

قازىلار القاسىنىڭ ۇيعارۋىمەن قاراجال قالاسىنىڭ اقساقالى  جارقىنباي جەتىمەك باس جۇلدە – 300 مىڭ تەڭگە اقشالاي سىيلىق پەن ديپلومعا يە بولدى. ءبىرىنشى ورىن جەزقازعان­دىق قۋانىشبەك نارباەۆ, 2-ورىن جاڭاارقا اۋدانىنىڭ وكىلى بەرگەن قوجامۇراتوۆ, 3-ورىن سəتباەۆ قالاسىنىڭ باتاگويى Əدىلبەك قاسىموۆ اقساقالدارعا بۇيىردى. ۇلىتاۋ اۋدانى قاراكەڭگىر اۋىلىنان كەلگەن سايلاۋ بالا­پان ۇلى «Egemen Qazaqstan» گازەتىنە كەلەسى 2024 جىلعا تەگىن جازىلاتىن بولدى.

– باتاگوي قاريالاردى باعالاۋ كەزىندە ولار­دىڭ وزدەرىنىڭ شىعارعان باتا, تىلەگىنە ءمان بەردىك. ويتكەنى ءبىر اۋىز بولسا دا بۇرىن ەل ەستىمەگەن جاڭا ءارى جاعىمدى باتا – بايقاۋدىڭ ولجاسى عوي, دەيدى قازىلار القاسىنىڭ تور­اعاسى, «اقپارات سالاسىنىڭ ۇزدىگى», ارداگەر-جۋرناليست اماندىق راح ۇلى.

وبلىستىق ارداگەرلەر كەڭەسىنىڭ توراعاسى ساعىندىق قوجامسەيىتوۆ ونەگەسى مول مۇنداي ءىس-شارانى وتكىزۋدى داسۇرگە اينالدىرۋ تۋرالى  باستاما كوتەردى. كوپشىلىك بۇل ۇسىنىستى قۋانا قۇپتادى.

ۇلىتاۋ وبلىسى