قىتايدىڭ حانچجوۋ قالاسىندا ءحىح جازعى ازيا ويىندارى مارەسىنە جەتتى. قازاق ەلىنەن ءتورت جىلدا ءبىر مارتە ۇيىمداستىرىلاتىن قۇرلىق دوداسىنا 524 (262 ەر, 262 ايەل) سپورتشى قاتىستى. جالپى ەسەپتە 10 التىن, 22 كۇمىس, 48 قولا مەدال ولجالاپ, 11-ساتىعا تۇراقتادى, دەپ حابارلايدى Egemen.kz.
ءبىزدىڭ سپورتشىلار جازعى ازيا ويىندارىنا 1994 جىلدان باستاپ قاتىسىپ كەلەدى. بۇعان دەيىن مەدالدار جيىنتىعىندا بەستىكتەن كورىنگەن سپورتشىلارىمىزدىڭ سوڭعى كەزدەرى جەتىستىگى قۇلدىرادى. سوڭعى رەت 2018 جىلى يندونەزيا ەلى وتكىزگەن جازعى ازيا ويىندارىندا 15 التىن, 17 كۇمىس, 44 قولا مەدال ەنشىلەپ, كوماندالىق ەسەپتە 9-ساتىعا تۇراقتاعان ەدى. بۇل جولعى جازعى ازيا ويىندارىندا سپورتشىلارىمىز قولا جۇلدەنى كوبىرەك ولجالادى.