ۇلتتىق قاۋىپسىزدىك كوميتەتى پروكۋراتۋرانىڭ ۇيلەستىرۋىمەن جانە پوليتسيا ورگاندارىمەن ارەكەتتەسە وتىرىپ, تەرروريزمدى ينتەرنەت جەلىسى ارقىلى ناسيحاتتاعان الماتى وبلىسىنىڭ تۇرعىنىن ۇستادى, دەپ حابارلايدى Egemen.kz.
«ونىڭ تۇرعىلىقتى مەكەنجايىنا ءتىنتۋ جۇرگىزۋ كەزىندە ءدىني ادەبيەتتەر مەن وزگە دە زاتتاي دالەلدەمەلەر تاركىلەندى. قىلمىستىق كودەكستىڭ 256-بابى 2-بولىگى بويىنشا سوتقا دەيىنگى تەرگەپ-تەكسەرۋ جۇرگىزىلىپ جاتىر», دەپ حابارلادى ۇقك ءباسپاسوز قىزمەتى.
قىلمىستىق-پروتسەستىك كودەكستىڭ 201-بابىنىڭ 1-بولىگىنە سايكەس وزگە اقپارات جاريا ەتۋگە جاتپايدى.
سونداي-اق ۇستالعان ادام بۇعان دەيىن جالپى قىلمىستىق قىلمىستار جاساعانى ءۇشىن سوتتى بولعانى انىقتالدى.