ۇلىبريتانيالىق ايگىلى ۆەلوشاباندوز مارك كاۆەنديش تاعى ءبىر ماۋسىم «Astana Qazaqstan Team» كومانداسىندا ونەر كورسەتەتىن بولدى. بۇل تۋرالى ۆەلوكلۋبتىڭ ءباسپاسوز قىزمەتى حابارلادى.
بيىل جىل باسىندا بىرجىلدىق كەلىسىمشارتپەن «استانا» جەيدەسىن كيگەن ۆەلوسپورت تاريحىنداعى ەڭ ۇزدىك سپرينتەردىڭ ءبىرى مارك كاۆەنديش مامىر ايىنداعى «دجيرو د’يتاليا» گراند-تۋرىنان كەيىن جىل سوڭىندا كارەراسىن اياقتايتىنىن مالىمدەگەن ەدى. بىراق كۇنى كەشە «Astana Qazaqstan Team» ۆەلوكومانداسىنىڭ باس مەنەدجەرى الەكساندر ۆينوكۋروۆ مارك كاۆەنديش كەلىسىمگە كەلگەنىن مالىمدەدى. ءسويتىپ, بريتانيالىق ۆەلوشاباندوز 2024 جىلدىڭ سوڭىنا دەيىن «استانا» ساپىندا ونەر كورسەتەدى.
بيىل مارك كاۆەنديش ەلوردالىق كوماندانىڭ قۇرامىندا بىرنەشە دوداعا قاتىسىپ, ءۇش بىردەي جارىستىڭ جۇلدەگەرى اتانعان-دى.