ورتالىقتىڭ جۇمىسىمەن تانىستى

بىلتىرعى 20 ناۋرىزدا 150 مەترلىك ءتۇتىن مۇرجاسى وپىرىلىپ ءتۇ­سىپ, كىسى ولىمىنە سەبەپشى بول­عان وسى جەو-2-دە تامىز ايىنان بەرى قۇ­رىلىس جۇ­مىس­تارى قىزۋ قارقىن العان ەدى. بىراق «جىعىلعانعا – جۇ­دى­رىق» دەمەكشى, قۇلاعان مۇر­جا­نى ءورۋ كەزىندە 23-ءشى مەترىنەن باس­تاپ قيسىق قالانىپ بارا جاتقانى انىق­­تالىپ, قايتا بۇزىلدى. ەندى سونى قاي­تادان ورمەكشى...

جەو-2-ءنىڭ جوعارىدان قارايتىن ۇيىمى – تولىق جەكەمەنشىكتەگى «سەۆ­كاز­ەنەرگو» اق باس ديرەكتورى اناتولي كازانوۆسكي وبلىس اكىمىنە قازىرگى جاعداي تۋرالى مالىمەت بەردى. بارلىق جوندەۋ جۇمىستارىنا اكتسيونەر 12 ملرد تەڭگە بولگەنىن, ونىڭ تولىق يگەرىلىپ, جۇمىستاردىڭ بەلگىلەنگەن مەرزىمدە اياقتالاتىنىن ايتتى. «بيىل جوس­پار­دان تىس تەحنيكالىق زەرتتەۋلەر جۇر­گىزىلدى. ونىڭ قورىتىندىسى بويىنشا ەشقانداي پروبلەما انىقتالعان جوق. №3-ءشى مۇرجاعا دا جوندەۋ جۇمىستارىن جۇرگىزدىك. ءبارى دە جىلىتۋ ماۋسىمىنا دايىن. جىلىتۋ ماۋسىمى باستالاتىن 1 قازاننان باستاپ قاجەت ەتىلەتىن 5 قازاندىق-اگرەگاتتىڭ ورنىنا 10 قا­زان­دىق-اگرەگاتپەن ىسكە كىرىسكەلى وتىرمىز», دەدى ول.

عاۋەز تورسان ۇلى بارلىق قىز­مەتتەردى ينجەنەرلىك جۇيەلەر ارقى­لى قاتاڭ با­قىلاۋدا ۇستاۋدى, وبلىستىڭ تكق, ەنەر­گەتيكا قىزمەتتەرىنە قانداي جاع­دايدا دا جەتكىزىپ وتىرۋ كەرەكتىگىن ايتتى. «بار­لىق ساراپتاردى باسقا مامانداردىڭ تال­قىلاۋىنا ۇسىنىپ, ولارمەن اقىل­داسىپ وتىرۋدى دا ۇمىتپاڭىز», دەدى اكىم. سونىمەن قاتار ول مامانداردى تۇراقتاندىرۋ ءۇشىن كاسىپورىننىڭ ءوزى الەۋمەتتىك پاكەتتى ارتتىرۋى كەرەكتىگىن ايتتى. «اكتسيونەرلىك قوعامعا قارايتىن ءۇش ءىرى كاسىپورىندا بۇگىنگى كۇنى 500 كادر جەتىسپەيدى ەكەن. مۇنى رەتكە كەلتىرمەسەڭىزدەر كاسىپورىنداردىڭ جۇ­­مى­­سىندا جاقسى ناتيجە بولا ما؟ سون­­دىقتان مامانداردى قولداۋدىڭ الەۋ­­مەتتىك شارالارىن كۇن تارتىبىنەن تۇسىرمەۋ كەرەك», دەدى اكىم.

سونىمەن بىرگە وبلىس اكىمى جىلۋ جۇيەسىن وتكىزەتىن جاڭا ماگيسترالدىڭ قۇرىلىس جۇمىستارىمەن تانىستى. بۇگىنگى تاڭدا 1,9 شاقىرىمعا تراسسا تارتىلعان. «بۇل تراسسا قۇرىلىسىنىڭ ساپاسىن بولاشاقتا پايدالانۋعا الاتىن كاسىپورىننىڭ ءوزى باقىلاپ وتىرعانى دۇرىس ەكەن», دەدى اكىم.

سولتۇستىك قازاقستان وبلىسى