قازاقستاننىڭ رەسەيدەگى توتەنشە جانە وكىلەتتى ەلشىسى داۋرەن اباەۆ رەسەي پرەزيدەنتى اكىمشىلىگى باسشىسىنىڭ ءبىرىنشى ورىنباسارى الەكسەي گروموۆپەن كەزدەستى.
كەزدەسۋ بارىسىندا الداعى جوعارى دەڭگەيدەگى ءىس-شارالاردى تالقىلادى. وڭىرلىك ينتەگراتسيالىق بىرلەستىكتەردى قوسا العاندا, قازاقستان مەن رەسەيدىڭ ەكىجاقتى جانە كوپجاقتى فورماتتاعى ىنتىماقتاستىعىنىڭ وزەكتى ماسەلەلەرى ءسوز بولدى. تاراپتار قازاقستان مەن رەسەي كوشباسشىلارى اراسىندا قول جەتكىزىلگەن ۋاعدالاستىقتاردى ىسكە اسىرۋ بويىنشا جۇيەلى جانە دايەكتى جۇمىستىڭ ماڭىزدىلىعىن اتاپ ءوتتى.
سونداي-اق د.اباەۆ رەسەي فەدەراتسياسى سىرتقى ىستەر ءمينيسترىنىڭ ورىنباسارى اندرەي رۋدەنكومەن كەزدەستى. كوپجاقتى الاڭدار, اتاپ ايتقاندا, شانحاي ىنتىماقتاستىق ۇيىمى (شىۇ) جانە ازياداعى ءوزارا ىقپالداستىق جانە سەنىم شارالار كەڭەسى (اوسشك) اياسىنداعى ءوزارا ءىس-قيمىل ماسەلەلەرى تالقىلاندى. تاراپتار قازىرگى ۋاقىتتا ەلىمىز توراعالىق ەتەتىن شىۇ كۇن تارتىبىندەگى كوپتەگەن ماسەلە بويىنشا ۇستانىمداردىڭ سايكەس كەلەتىندىگىن راستادى.