«ەلىم دەگەندەر» بايقاۋى باستالدى. بايقاۋ مادەنيەت جانە اقپارات مينيسترلىگىنىڭ قولداۋىمەن ء«تىل تاعدىرى – ەل تاعدىرى» جوباسى اياسىندا قازاننىڭ 1-ءى مەن 20-سى ارالىعىندا ۇيىمداستىرىلۋدا. وعان ءار وڭىردەن 14 پەن 35 جاس ارالىعىنداعى وزگە ەتنوس وكىلدەرى عانا قاتىسا الادى.
– ء«تىل تاعدىرى – ەل تاعدىرى» جوباسى ءۇش جىلدىق گرانتتىق جوبا. ازاماتتىق باستامالاردى قولداۋ ورتالىعى جانە «بولاشاق قازاقستانعا» قوعامدىق ستۋدەنتتىك بىرلەستىگى ىسكە اسىرىپ جاتقان جوبا 2025 جىلدىڭ سوڭىندا اياقتالادى. وسى ورايدا ەكى اۋقىمدى كونكۋرس وتكىزىلمەكشى. ءبىرىنشىسى – «Aqyl Battle Cup» رەسپۋبليكالىق زياتكەرلىك ويىنى, ەكىنشىسى – وزگە ۇلت وكىلدەرى اراسىنداعى «ەلىم دەگەندەر» بايقاۋى, – دەدى ازاماتتىق باستامالاردى قولداۋ ورتالىعى باسقارما توراعاسىنىڭ مىندەتىن اتقارۋشى ارمان اشكين.
جالپى, ەلىمىزدە 130-دان اسا وزگە ەتنوس وكىلى تۇرادى. جوبانىڭ باستى ماقساتى – وتانداستارىمىزدىڭ اراسىندا مەملەكەتتىك ءتىلدى دارىپتەۋ, قازاق ءتىلىنىڭ قولدانىس اياسىن كەڭەيتۋ. ۇمىتكەرلەر الدىمەن وڭىرلەردە ىرىكتەلەدى.
– بايقاۋدىڭ العاشقى كەزەڭىندە ءار قاتىسۋشى ءوزى تاڭداعان اتالىم بويىنشا وتىنىمدەر جىبەرەدى. وزدەرىنە قاتىستى اقپاراتتى بەينەروليك رەتىندە جىبەرۋى شارت. قازىلار القاسىنىڭ قۇرامىندا ءتىل ماماندارى, قوعام قايراتكەرلەرى, وسى سالادا جۇرگەن مىقتى ماماندار بولادى. ولار قاتىسۋشىلاردى ءتورت اتالىم بويىنشا ىرىكتەيدى. ءبىرىنشى, «اقىندار ءمۇشايراسىنا» قاتىسۋشىلار – قازاق تىلىندە ولەڭ جازاتىن وزگە ەتنوس وكىلدەرى. «كوركەمسوز ونەرى» – بەلگىلى ءبىر قازاق اقىندارىنىڭ, جازۋشىلارىنىڭ شىعارمالارىن تاڭداپ الىپ, وزدەرى ولەڭ وقىپ بەرۋى قاجەت. كەلەسى «اسپاپتىق ونەر» – قازاقتىڭ ۇلتتىق اسپاپتارىندا شىعارماشىلىق كومپوزيتسيانى ورىنداپ, ونەر كورسەتەدى. ال سوڭعىسى – ء«داستۇرلى ءان» اتالىمى. وڭىرلەردەن بەينەماتەريالداردىڭ سىلتەمەسى elimdegender.kz@gmail.com پوشتاسى ارقىلى قابىلدانادى. بەينەجازبانىڭ ۇزاقتىعى ءتورت مينۋتتان اسپاۋى قاجەت. ۇزدىك دەپ تانىلعان 100 قاتىسۋشى استانا قالاسىندا وتەتىن بايقاۋدىڭ فينالىنا جولداما الادى, – دەيدى جوبا جەتەكشىسى ءبيبىنۇر شەرباەۆا.
«ەلىم دەگەندەر» بايقاۋى قورىتىندى كەزەڭىنىڭ جۇلدە قورى 4 ميلليون تەڭگەنى قۇرايدى. ءار اتالىم بويىنشا ءى, ءىى جانە ءىىى ورىن يەگەرلەرى بەلگىلەنەدى.
– ءى ورىن يەگەرلەرى 500 مىڭ تەڭگە مولشەرىندە سىياقىعا يە بولسا, ءىى ورىن يەگەرلەرىنە 300 مىڭ تەڭگەنى تابىستايمىز. ال ءىىى ورىن يەگەرلەرى 200 مىڭ تەڭگەلىك جۇلدەنى ەنشىلەمەك, – دەدى ءبيبىنۇر شەرباەۆا.