جاسىل دامۋ ءباسپاسوز ورتالىعىنىڭ مالىمدەۋىنشە, پرەمەر-مينيستر ءاليحان سمايىلوۆ ءتيىستى ۇكىمەت قاۋلىسىنا قول قويدى. بولىنگەن قاراجاتقا شارۋالار 500-دەن استام تەحنيكانى ليزينگكە الادى. ونىڭ ىشىندە 80-نەن استام كومباين, 450 تراكتور الىنادى, دەپ حابارلايدى Egemen.kz.
ەسكە سالايىق, مەملەكەت باسشىسىنىڭ تاپسىرماسىمەن 2022 جىلدىڭ تامىزىندا ەلىمىزدىڭ ماشينا-تراكتور پاركىن جاڭارتۋ ماقساتىندا اۋىل شارۋاشىلىعى تەحنيكاسىن جەڭىلدەتىلگەن ليزينگكە بەرۋدىڭ جاڭا باعدارلاماسى ىسكە قوسىلعان ەدى. بىلتىر اۋىل شارۋاشىلىعى تەحنيكاسىن قارجىلاندىرۋعا 30 ميلليارد تەڭگە ءبولىندى.
«جاسىل دامۋ» اق قولداۋىمەن 2022 جىلى اۋىل شارۋاشىلىعى تەحنيكاسىن قارجىلاندىرۋعا 30 ملرد تەڭگە ءبولىنىپ, وعان 1144-كە جۋىق اۋىل شارۋاشىلىعى تەحنيكاسى ساتىپ الىندى.
كەزەكتى قارىز الۋشىلاردى قارجىلاندىرۋ رەۆولۆەرلىك تاسىلمەن جۇرگىزىلەدى. ياعني قايتارىلعان قاراجات قايتادان اۋىل شارۋاشىلىعى تەحنيكاسىن جەڭىلدەتىلگەن ليزينگ الۋشىلاردى قارجىلاندىرۋعا پايدالانىلادى.